ചെന്നൈ: റീവേഴ്സ് സ്വീപ്പും, സ്വീപ്പ് ഷോട്ടും കളിച്ച് പരമ്പരയിലെ ആദ്യ ടെസ്റ്റില് ജോ റൂട്ടും, ബെന് സ്റ്റോക്ക്സും ചേര്ന്ന് ഇന്ത്യയെ കുഴക്കിയിരുന്നു. രണ്ടാം ടെസ്റ്റിന് ഇറങ്ങുമ്പോള് ഇംഗ്ലണ്ടിന്റെ സ്വീപ്പ് തന്ത്രത്തിന് തടയിടുകയാണ് ഇന്ത്യക്ക് മുന്പിലുള്ള വെല്ലുവിളി.
അശ്വിന് ഒഴികെയുള്ള മറ്റ് ബാറ്റ്സ്മാന്മാര്ക്ക് പന്ത് എവിടെ ലാന്ഡ് ചെയ്യിക്കണം എന്നതില് വ്യക്തതയുണ്ടായിരുന്നില്ല. രണ്ടാം ടെസ്റ്റിനുള്ള പിച്ച്, ആദ്യ ടെസ്റ്റില് ടേണ് ലഭിച്ച സമയത്തിനും മുന്പേ ടേണ് നല്കുന്നതാണെന്ന് ഇംഗ്ലണ്ടിന്റെ പുതിയ വിക്കറ്റ് കീപ്പര് ബെന് ഫോക്സ് പറഞ്ഞിരുന്നു.
ഇംഗ്ലണ്ടിന്റെ സ്വീപ്പ് ഷോട്ടുകള്ക്ക് തടയിടാന് അക്സര് പട്ടേലിനെയാവും ഇന്ത്യ മുന്പില് നിര്ത്തുക. ആദ്യ ടെസ്റ്റ് പരിക്കിനെ തുടര്ന്ന് നഷ്ടമായ അക്സര്, രണ്ടാം ടെസ്റ്റിന് മുന്പായി ബാറ്റിങ്ങിലും ബൗളിങ്ങിലും നെറ്റ്സില് പരിശീലനം ആരംഭിച്ച് കഴിഞ്ഞു. ഇവിടെ രവീന്ദ്ര ജഡേജയുടെ നഷ്ടമാണ് ഇന്ത്യക്ക് വലിയ നഷ്ടമാവുന്നത്.
ബാറ്റ്സ്മാന്മാര്ക്ക് സ്വീപ്പ് ഷോട്ട് കളിക്കാന് അനുവദിക്കാത്തതാണ് രവീന്ദ്ര ജഡേജയുടെ പേസ്. രണ്ടാം ടെസ്റ്റില് മൂന്നാം സ്പിന്നറായി ആരെ ഇറക്കണം എന്ന ടീം മാനേജ്മെന്റിന്റേ തീരുമാനവും നിര്ണായകമാവും. ഇടംകയ്യന് റിസ്റ്റ് സ്പിന്നര് കുല്ദീപ് യാദവ്, ലെഗ് സ്പിന്നര് രാഹുല് ചഹര്, ഓഫ് സ്പിന്നര് വാഷിങ്ടണ് സുന്ദര് എന്നിവരില് കൂടുതല് വേരിയേഷനുകള് ആര്ക്ക് നല്കാനാവും എന്നതാശ്രയിച്ചിരിക്കും ടീം സെലക്ഷന്.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates