റാഞ്ചി: ദക്ഷിണാഫ്രിക്കയ്ക്കെതിരായ ഒന്നാം ഏകദിന പോരാട്ടത്തില് മികച്ച തുടക്കമിട്ട് ഇന്ത്യ. ടോസ് നേടി ദക്ഷിണാഫ്രിക്ക ബൗളിങ് തിരഞ്ഞെടുക്കുകയായിരുന്നു. നിലവില് ഇന്ത്യ ഒരു വിക്കറ്റ് നഷ്ടത്തില് 153 റണ്സെന്ന നിലയില്.
ഓപ്പണര് യശസ്വി ജയ്സ്വാള് (25) ആണ് പുറത്തായ ഇന്ത്യന് ബാറ്റര്. വെറ്ററന് ഇതിഹാസങ്ങളായ രോഹിത് ശര്മയും വിരാട് കോഹ്ലിയുമാണ് നിലവില് ക്രീസില്. ഇരുവരും അര്ധ സെഞ്ച്വറിയുമായി പോരാട്ടം നയിക്കുന്നു. രോഹിത് 56 റൺസുമായി കോഹ്ലി 65 റൺസുമായും ക്രീസിൽ.
ആദ്യം അര്ധ സെഞ്ച്വറിയിലെത്തിയത് കോഹ്ലിയാണ്. താരം 47ല് നിന്നു തുടരെ രണ്ട് സിക്സുകള് പായിച്ച് 59 റണ്സിലെത്തി. നാല് വീതം സിക്സും ഫോറും സഹിതമാണ് കോഹ്ലി അര്ധ സെഞ്ച്വറിയിലെത്തിയത്. 43 പന്തില് 5 ഫോറും 2 സിക്സും സഹിതമാണ് രോഹിത് അര്ധ സെഞ്ച്വറിയിലെത്തിയത്.
ഇന്ത്യയ്ക്കായി ഋതുരാജ് ഗെയ്ക്വാദ് കളത്തിലിറങ്ങുന്നുണ്ട്. വാഷിങ്ടന് സുന്ദര്, രവീന്ദ്ര ജഡേജ, കുല്ദീപ് യാദവ് എന്നിവരാണ് ഇലവനിലെ സ്പിന്നര്മാര്.
ഇന്ത്യ ഇലവന്: കെഎല് രാഹുല് (ക്യാപ്റ്റന്), യശസ്വി ജയ്സ്വാള്, രോഹിത് ശര്മ, വിരാട് കോഹ്ലി, ഋതുരാജ് ഗെയ്ക്വാദ്, വാഷിങ്ടന് സുന്ദര്, രവീന്ദ്ര ജഡേജ, ഹര്ഷിത് റാണ, കുല്ദീപ് യാദവ്, അര്ഷ്ദീപ് സിങ്, പ്രസിദ്ധ് കൃഷ്ണ.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates