അഹമ്മദാബാദ്: ഇന്ത്യയ്ക്കെതിരായ ഒന്നാം ക്രിക്കറ്റ് ടെസ്റ്റില് വെസ്റ്റ് ഇന്ഡീസിന് തകര്ച്ച. ഒന്നാം ഇന്നിംഗ്സില് തുടക്കത്തില് തന്നെ വെസ്റ്റ് ഇന്ഡീസിന്റെ നാലുവിക്കറ്റുകള് വീണു. മുഹമ്മദ് സിറാജ് ആണ് കൂടുതല് ആക്രമണകാരിയായത്. മൂന്ന് വിക്കറ്റുകളാണ് സിറാജ് പിഴുതെടുത്തത്. ഒരു വിക്കറ്റുമായി ബുംറ മികച്ച പിന്തുണ നല്കി.
ജോണ് കാംബെല്, ടാഗ്നരെയ്ന് ചന്ദര്പോള്, അലിക് അതനെസ്, ബ്രാണ്ടന് കിങ് എന്നിവരാണ് പുറത്തായത്. ഓപ്പണര് ചന്ദര്പോളിനെ പുറത്താക്കിയാണ് സിറാജ് വിക്കറ്റ് വേട്ടയ്ക്ക് തുടക്കമിട്ടത്. ക്യാപ്റ്റന് റോസ്റ്റന് ചേസ്, ഷായ് ഹോപ് എന്നിവരാണ് ക്രീസില്. ഇന്ത്യയ്ക്കെതിരെ ടോസ് നേടിയ വെസ്റ്റ് ഇന്ഡീസ് ബാറ്റിങ് തെരഞ്ഞെടുക്കുകയായിരുന്നു. പേസര്മാരായ അല്സരി ജോസഫും, ഷമാര് ജോസഫും പരിക്കേറ്റു പുറത്തായത് വെസ്റ്റിന്ഡീസ് ടീമിനു തിരിച്ചടിയാണ്. 23 വയസ്സുകാരനായ ജെയ്ഡന് സീല്സിനാണ് വിന്ഡീസ് പേസ് യൂണിറ്റിന്റെ ചുമതല. സൂപ്പര് താരം ജസ്പ്രീത് ബുംറ, മുഹമ്മദ് സിറാജ്, നിതീഷ് റെഡ്ഡി എന്നിവരാണ് ഇന്ത്യന് നിരയിലെ പേസര്മാര്. മൂന്നു സ്പിന്നര്മാരുമായാണ് ഇന്ത്യ കളിക്കാനിറങ്ങിയത്.
ഇന്ത്യ പ്ലേയിങ് ഇലവന്ഃ യശസ്വി ജയ്സ്വാള്, കെ എല് രാഹുല്, സായ് സുദര്ശന്, ശുഭ്മന് ഗില് , ധ്രുവ് ജുറേല് (വിക്കറ്റ് കീപ്പര്), രവീന്ദ്ര ജഡേജ, വാഷിങ്ടന് സുന്ദര്, നിതീഷ്കുമാര് റെഡ്ഡി, കുല്ദീപ് യാദവ്, ജസ്പ്രീത് ബുമ്ര, മുഹമ്മദ് സിറാജ്.
വെസ്റ്റ് ഇന്ഡീസ് പ്ലേയിങ് ഇലവന്ഃ ടാഗ്നരെയ്ന് ചന്ദര്പോള്, ജോണ് കാംബെല്, അലിക് അതനെസ്, ബ്രാണ്ടന് കിങ്, ഷായ് ഹോപ് (വിക്കറ്റ് കീപ്പര്), റോസ്റ്റന് ചേസ് (ക്യാപ്റ്റന്), ജസ്റ്റിന് ഗ്രീവ്സ്, ജോമല് വാറികാന്, ഖാരി പിയറി, ജോഹാന് ലെയ്നെ, ജെയ്ഡന് സീല്സ്.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates