റാഞ്ചി: ഏഷ്യന്‍ ചാമ്പ്യന്‍സ് ട്രോഫി ഹോക്കി കിരീടം ഇന്ത്യന്‍ വനിതാ ടീമിനു. ടൂര്‍ണമെന്റില്‍ അപരാജിത മുന്നേറ്റം നടത്തിയ ടീം ഫൈനലില്‍ ജപ്പാനെ വീഴ്ത്തിയാണ് കിരീടം സ്വന്തമാക്കിയത്. മറുപടിയില്ലാത്ത നാല് ഗോളുകള്‍ക്കാണ് ഇന്ത്യ ജപ്പാനെ വീഴ്ത്തിയത്.
ഇന്ത്യന്‍ വനിതാ ടീമിന്റെ രണ്ടാം ഏഷ്യന്‍ ചാമ്പ്യന്‍സ് ട്രോഫി കിരീടമാണിത്. 2016ലാണ് ടീം ആദ്യമായി കിരീടം നേടിയത്. രണ്ട് തവണ ചാമ്പ്യന്‍മാരായ കരുത്തരായ സംഘമാണ് ജപ്പാന്‍. 2013, 2021 വര്‍ഷങ്ങളിലാണ് അവര്‍ കിരീടം നേടിയത്.
17ാം മിനിറ്റില്‍സ സംഗീത കുമാരിയാണ് ഗോള്‍ വേട്ടയ്ക്ക് തുടക്കമിട്ടത്. 46ാം മിനിറ്റില്‍ നേഹ ഗോയല്‍, 57ാം മിനിറ്റില്‍ ലാല്‍റെംസിയാമി, 60ാം മിനിറ്റില്‍ വന്ദന കട്ടാരിയ എന്നിവരാണ് ശേഷിച്ച ഗോളുകള്‍ നേടിയത്.
കഴിഞ്ഞ വര്‍ഷം എഫ്‌ഐഎച് നേഷന്‍സ് കിരീടം സ്വന്തമാക്കിയ ശേഷം പരിശീലക ജന്നകെ ഷോപ്മാന്റെ കീഴില്‍ വനിതാ ടീം നേടുന്ന രണ്ടാം കിരീടമാണിത്. അന്നത്തെ കിരീട നേട്ടത്തിനു പിന്നാലെ ടീം പ്രൊ ഹോക്കി ലീഗിനു യോഗ്യതയും നേടിയിരുന്നു.
മൂന്നാം സ്ഥാനക്കാര്‍ക്കുള്ള പോരാട്ടത്തില്‍ ചൈന വിജയം സ്വന്തമാക്കി. ദക്ഷിണ കൊറിയയെ അവര്‍ 2-1നു വീഴ്ത്തിയാണ് മൂന്നാം സ്ഥാനം സ്വന്തമാക്കിയത്.
ഈ വാര്‍ത്ത കൂടി വായിക്കൂ
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates