മൊണാലി ​ഗോർഹെ/ഫോട്ടോ: ട്വിറ്റർ 
Sports

ഇന്ത്യൻ ഷൂട്ടിങ് കോച്ച് മൊണാലി ​ഗോർഹെ ബ്ലാക്ക് ഫം​ഗസ് ബാധിച്ച് മരിച്ചു

മൊണാലിയുടെ പിതാവ് മനോഹർ ​ഗോർഹെയും വ്യാഴാഴ്ച കോവിഡ് ബാധിച്ച് മരിച്ചിരുന്നു

Author : സമകാലിക മലയാളം ഡെസ്ക്

ന്യൂഡൽഹി: രാജ്യത്ത് അശങ്ക ഉയർത്തുന്ന ബ്ലാക്ക് ഫം​ഗസ് ബാധിച്ച് ഇന്ത്യയുടെ ഷൂട്ടിങ് പരിശീലക മരിച്ചു. മൊണാലി ​ഗോർഹെ(44) ആണ് മരിച്ചത്. മൊണാലിയുടെ പിതാവ് മനോഹർ ​ഗോർഹെയും വ്യാഴാഴ്ച കോവിഡ് ബാധിച്ച് മരിച്ചിരുന്നു. 

മൊണാലി ​ഗോർഹെയുടെ മരണ വിവരം ദേശിയ റൈഫിൽ അസോസിയേഷൻ ഓഫ് ഇന്ത്യ സ്ഥിരീകരിച്ചു. ഇന്ത്യൻ ഷൂട്ടിങ് ടീമിലെ കോർ ​ഗ്രൂപ്പ് അം​ഗവും പിസ്റ്റൽ കോച്ചുമായിരുന്നു മൊണാലി. കോവിഡ് ബാധിച്ചതിനെ തുടർന്ന് ആരോ​ഗ്യ നില വഷളാവുകയും ആശുപത്രിയിൽ ചികിത്സയിൽ കഴിയുകയുമായിരുന്നു മൊണാലി. 

15 ദിവസത്തെ ചികിത്സയ്ക്ക് ശേഷം ജീവിതത്തിലേക്ക് മടങ്ങി വരവെയാണ് ബ്ലാക്ക് ഫം​ഗസ് രോ​ഗം സ്ഥിരീകരിക്കുന്നത്. 2016ലെ സാഫ് ​ഗെയിംസിനുള്ള ശ്രീലങ്കൻ ടീമിനേയും മൊണാലി പരിശീലിപ്പിച്ചിട്ടുണ്ട്. ഈ ലങ്കൻ ടീം വെങ്കല മെഡൽ നേടിയിരുന്നു. 2006 മുതൽ മൊണാലി കോച്ചായി രം​ഗത്തുണ്ടായിരുന്നു. 

നാസിക്കിലെ ആദ്യ ഷൂട്ടിങ് ബാച്ചിൽ അം​ഗമായിരുന്നു ഇവർ. ജർമനിയിൽ നിന്ന് ഐഎസ്എസ്എഫ് കോച്ചിങ് സർട്ടിഫിക്കറ്റും മൊണാലിക്ക് ലഭിച്ചിട്ടുണ്ട്. 

Subscribe to our Newsletter to stay connected with the world around you

Follow Samakalika Malayalam channel on WhatsApp

Download the Samakalika Malayalam App to follow the latest news updates 

'ദാരിദ്ര്യം ഇല്ലാതാക്കിയെങ്കില്‍ ലഹരിയും തുടച്ചുനീക്കാം'; ലഹരിവിരുദ്ധ പോരാട്ടം ശക്തമാക്കണമെന്ന് പ്രധാനമന്ത്രി

'ഇറാനെതിരെ കാലാവധി കഴിഞ്ഞ മിസൈലുകളും ഉപയോഗിച്ചു'; വെളിപ്പെടുത്തലുമായി യുഎസ് നാവികസേന

പയ്യന്നൂരിൽ സഹകരണ വാരാഘോഷത്തിനിടെ വി കുഞ്ഞികൃഷ്ണൻ എംഎൽഎ യുടെ ഉദ്ഘാടന പ്രസംഗം തടസപ്പെടുത്തി; കൈയ്യേറ്റം ചെയ്തെന്ന് ആരോപണം, സംഘർഷം

ഷൂട്ടിം​ഗ് താരം വിദർശ കെ വിനോദിന് സർക്കാർ ജോലി; കായിക ഡയറക്ടറേറ്റിൽ അസിസ്റ്റന്റ് ഡയറക്ടർ

റോഹിങ്ക്യൻ വംശഹത്യ കേസ്: മ്യാൻമറിനെതിരായ ഹർജിയിൽ ഐസിജെ വിധി വ്യാഴാഴ്ച