കാലിഫോര്ണിയ: ക്രിക്കറ്റില് നിന്ന് വിരമിക്കല് പ്രഖ്യാപിച്ച് യുഎസ് മേജര് ക്രിക്കറ്റ് ലീഗിലേക്ക് ചേക്കേറിയ ഉന്മുക്ത് ചന്ദിന് അരങ്ങേറ്റ മത്സരത്തില് നിരാശ. മൂന്ന് പന്തില് ഡക്കായി ഉന്മുക്ത് മടങ്ങി.
സിലികണ് വാലി സ്ട്രൈക്കേഴ്സിന് വേണ്ടി ഓപ്പണറായാണ് ഉന്മുക്ത് ഇറങ്ങിയത്. എന്നാല് അക്കൗണ്ട് തുറക്കും മുന്പേ ക്ലീന് ബൗള്ഡായി. എംസിഎല് കരിയറില് പ്രതീക്ഷിച്ച തുടക്കമല്ല ഇതോടെ ഉന്മുക്തിന് മുന്പില് തുറന്നത്.
ഉന്മുക്ത് നിരാശപ്പെടുത്തിയെങ്കിലും കളിയില് ഇന്ത്യന് മുന് അണ്ടര് 19 നായകന്റെ ടീം ജയം പിടിച്ചു. ഡൊമസ്റ്റിക് ക്രിക്കറ്റില് ഡല്ഹി ടീമില് ഇടം നേടാന് സാധിക്കാത്തതിനെ തുടര്ന്നാണ് ഉന്മുക്തിന്റെ വിരമിക്കല് പ്രഖ്യാപനം എന്നാണ് വിലയിരുത്തപ്പെടുന്നത്.
201-20 സീസണില് ഉത്തരാഖണ്ഡ് ടീമിന് വേണ്ടി ഉന്മുക്ത് കളിച്ചെങ്കിലും മികവ് കാണിക്കാനായില്ല. 2020-21 സീസണിലെ സയിദ് മുഷ്താഖ് അലി ട്രോഫിയിലും വിജയ് ഹസാരെ ട്രോഫിയിലും ഡല്ഹി ടീമില് ഉന്മുക്ത് ഇടം ലഭിക്കുമെന്ന് പ്രതീക്ഷിച്ചെങ്കിലും അതുണ്ടായില്ല.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates