ന്യൂഡല്ഹി: മന് കി ബാത്തില് ഇന്ത്യന് വനിതാ ക്രിക്കറ്റ് ടീം ഏകദിന ക്യാപ്റ്റന് മിതാലി രാജിനെ പ്രശംസിച്ച് പ്രധാനമന്ത്രി നരേന്ദ്ര മോദി. ഒരുപാട് ക്രിക്കറ്റ് കളിക്കാര്ക്ക് പ്രചോദനമാണ് മിതാലിയെന്ന് പ്രധാനമന്ത്രി പറഞ്ഞു.
10000 റണ്സ് കണ്ടെത്തുന്ന ആദ്യ ഇന്ത്യന് വനിതാ താരം എന്ന നേട്ടം അടുത്തിടെ മിതാലി സ്വന്തമാക്കിയിരുന്നു. ഈ നേട്ടം സ്വന്തമാക്കിയതിന് എല്ലാ അഭിനന്ദനങ്ങളും. ഇതിലൂടെ വനിതാ ക്രിക്കറ്റ് താരങ്ങള്ക്ക് മാത്രമല്ല, ലോകം മുഴുവനുമുള്ള ക്രിക്കറ്റ് കളിക്കാര്ക്ക് പ്രചോദനമാവുകയാണ് മിതാലിയെന്നും പ്രധാനമന്ത്രി മന് കി ബാത്തില് പറഞ്ഞു.
ഐഎസ്എസ്എഫിലെ ഇന്ത്യന് അത്ലറ്റുകളേയും പി വി സിന്ധുവിനേയും മിതാലിക്കൊപ്പം മോദി അഭിനന്ദിച്ചു. രാജ്യാന്തര ക്രിക്കറ്റില് പതിനായിരം റണ്സ് തികയ്ക്കുന്ന ലോകത്തിലെ രണ്ടാമത്തെ വനിതാ ക്രിക്കറ്റ് താരമാണ് മിതാലി ഇപ്പോള്. സൗത്ത് ആഫ്രിക്കയ്ക്കെതിരായ പരമ്പരയിലാണ് മിതാലി നേട്ടം സ്വന്തമാക്കിയത്.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates