വിശാഖപട്ടണം: ഐപിഎല്ലില്‍ ഡല്‍ഹി ക്യാപിറ്റല്‍സിനെതിരെ മിന്നലടികളുമായി ഋഷഭ് പന്തിന്റെ ലഖ്‌നൗ സൂപ്പര്‍ജയന്റ്‌സ്. ഓപ്പണര്‍ മിച്ചല്‍ മാര്‍ഷ് അതിവേഗ അര്‍ധ സെഞ്ച്വറിയുമായി കളം വാണു. താരം 21 പന്തില്‍ 50ല്‍ എത്തി. 4 സിക്‌സും 5 ഫോറും സഹിതമാണ് മാര്‍ഷിന്റെ അര്‍ധ സെഞ്ച്വറി.

ഓപ്പണര്‍ എയ്ഡന്‍ മാര്‍ക്രത്തിന്റെ വിക്കറ്റാണ് ലഖ്‌നൗവിനു നഷ്ടമായത്. താരത്തെ വിപ്രജ് നിഗമാണ് മടക്കിയത്. എന്നാല്‍ പിന്നാലെ എത്തിയ നിക്കോളാസ് പുരാന്‍ നിഗമിന്റെ ഒറ്റ ഓവറില്‍ മൂന്ന് സിക്‌സുകള്‍ തൂക്കി. ഇതേ ഓവറില്‍ മിച്ചല്‍ മാര്‍ഷും ഒരു സിക്‌സടിച്ചു. ഈയോവറില്‍ താരം 4 സിക്‌സുകള്‍ വഴങ്ങി.

കളിക്കിടെ ഹൃ​ദയാഘാതം; ബം​ഗ്ലാദേശ് മുൻ നായകൻ തമിം ഇഖ്ബാൽ ​ഗുരുതരാവസ്ഥയിൽ (വിഡിയോ)

ടോസ് നേടി ഡല്‍ഹി ബൗളിങ് തിരഞ്ഞെടുക്കുകയായിരുന്നു. നിലവില്‍ 6 ഫോറും 5 സിക്സും സഹിതം 31 പന്തില്‍ 64 റണ്‍സുമായി മാര്‍ഷും 16 പന്തില്‍ 35 റണ്‍സുമായി നിക്കോളാസ് പുരാനാണ് മാര്‍ഷിനൊപ്പം. താരം 3 വീതം സിക്‌സും ഫോറും സഹിതമാണ് പുരാന്റെ വെടിക്കെട്ട്. 10 ഓവറിൽ 1 വിക്കറ്റ് നഷ്ടത്തിൽ 117 റൺസെന്ന നിലയിലാണ് എൽഎസ്ജി.