കൊളംബോ: രണ്ടാം ഏകദിനത്തില്‍ ബാറ്റുകൊണ്ട് മികവ് കാണിക്കാന്‍ സാധിച്ചില്ലെങ്കിലും വിക്കറ്റ് കീപ്പിങ്ങില്‍ ഇഷാന് കിഷനില്‍ നിന്ന് വന്ന മികവ് ആരാധകരുടെ കണ്ണിലുടക്കുന്നു. ശ്രീലങ്കന്‍ ഇന്നിങ്‌സിന്റെ അവസാന ഓവറിലെ ഇഷാന് കിഷന്റെ സ്റ്റംപിങ്ങാണ് സമൂഹമാധ്യമങ്ങളില്‍ വൈറലാവുന്നത്.
ഭുവിയുടെ സ്ലോ ഡെലിവറിയില്‍ ഇഷാന്റെ അണ്ടര്‍ ആം ഹിറ്റാണ് ലക്ഷന്‍ സന്ദകന്റെ വിക്കറ്റ് വീഴ്ത്തിയത്. അവസാന ഓവറില്‍ ബൈയിലൂടെ സന്ദകന്‍ സ്‌ട്രൈക്ക് കരുണരത്‌നയ്ക്ക് കൈമാറാന്‍ ശ്രമിക്കുമെന്ന് ഇഷാന് വ്യക്തമായിരുന്നു. റണ്‍ഔട്ടിന് ശേഷമുള്ള ഇഷാന്റെ പ്രതികരണവും ഇത് വ്യക്തമാക്കുന്നു.
റണ്‍ഔട്ട് ആക്കുമെന്ന് താന്‍ പറഞ്ഞില്ലേ എന്നാണ് ഇഷാന് നായകന്‍ ശിഖര്‍ ധവാനോട് പറയുന്നത്. ഗ്ലൗസ് മാറ്റാതെ തന്നെയാണ് ഇഷാന് പന്ത് സ്റ്റംപിലേക്ക് എറിഞ്ഞത്. വിക്കറ്റിന് പിന്നില്‍ കയ്യടികള്‍ വാരിക്കൂട്ടിയ ധോനി ഗ്ലൗസ് ഊരിമാറ്റിയതിന് ശേഷമാണ് ത്രോയിലേക്ക് കടക്കുന്നത്.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates