മർഗാവ്: ഐഎസ്എല്ലിലെ കരുത്തരുടെ പോരാട്ടത്തിൽ എ ടി കെ മോഹൻ ബഗാന് ജയം. ഗോവയെ എതിരില്ലാത്ത ഒരു ഗോളിന് കീഴടക്കിയാണ് എ ടി കെ ജയം കൈയ്യടക്കിയത്. സൂപ്പർ താരം റോയ് കൃഷ്ണയാണ് വിജയ ഗോൾ നേടിയത്. ​ഗോൾ രഹിത ആദ്യ പകുതിക്ക് ശേഷ‌ം രണ്ടാം പകുതിയിൽ പെനാൽട്ടിയിലൂടെയാണ് വിജയ ഗോൾ പിറന്നത്. 

ബോക്‌സിനകത്തേക്ക് കുതിക്കുകയായിരുന്ന റോയ് കൃഷ്ണയെ പിന്നിൽ നിന്നും ഗോവൻ താരം ഡോഹ്ലിങ് ഫൗൾ ചെയ്തതോടെ എ ടി കെയ്ക്ക് അനുകൂലമായി റഫറി പെനാൽട്ടി വിധിച്ചു. കിക്കെടുത്ത റോയ് കൃഷ്ണ പോസ്റ്റിന്റെ വലതുമൂലയിലേക്കെത്തിച്ചു. താരം ഈ സീസണിൽ നേടുന്ന ആറാമത്തെ ഗോളാണിത് 

എ ടി കെയുടെ കാൾ മക്ഹ്യു ആണ് ഹീറോ ഓഫ് ദ മാച്ച്. ഈ ജയത്തോടെ എ ടി കെ പോയന്റ് പട്ടികയിൽ രണ്ടാം സ്ഥാനത്തേക്ക് ഉയർന്നു. ഗോവ ആറാം സ്ഥാനത്താണ്. 

‌