ബിര്‍മിങ്ഹാം: കോമണ്‍വെല്‍ത്ത് ഗെയിംസില്‍ ഇന്ത്യക്ക് രണ്ടാം സ്വര്‍ണം. ഭാരോദ്വഹനത്തില്‍ തന്നെയാണ് ഇന്ത്യയുടെ മെഡല്‍ നേട്ടം. ഇന്ത്യയുടെ ജെറമി ലാല്‍റിന്നുംഗയാണ് സുവര്‍ണ നേട്ടം സമ്മാനിച്ചത്. 

67 കിലോ വിഭാഗത്തിലാണ് ജെറമി സ്വർണം സ്വന്തമാക്കിയത്. സ്‌നാച്ചിലും ക്ലീന്‍ ആന്‍ഡ് ജെര്‍ക്കിലുമായി 300 കിലോ ഭാരം ഉയര്‍ത്തി കോമണ്‍വെല്‍ത്ത് ഗെയിംസ് റെക്കോര്‍ഡ് നേട്ടത്തോടെയാണ് താരത്തിന്റെ മുന്നേറ്റം. യൂത്ത് ഒളിംപിക്‌സില്‍ സ്വര്‍ണം നേടിയ താരം കൂടിയാണ് 19കാരനായ ജെറമി. 

നേരത്തെ ഇന്ത്യയുടെ മീരഭായ് ചാനുവും ഭാരോദ്വഹനത്തില്‍ ഇന്ത്യക്ക് സ്വര്‍ണം സമ്മാനിച്ചിരുന്നു. പിന്നാലെയാണ് ജെറമിയുടെ നേട്ടം. രണ്ട് സ്വര്‍ണം രണ്ട് വെള്ളി, ഒരു വെങ്കലം മെഡലുകളുമായി ഇന്ത്യയുടെ നേട്ടം അഞ്ചില്‍ എത്തി. 

ഈ വാർത്ത കൂടി വായിക്കൂ

പാന്‍ ഷോപ്പ് നടത്തുകയാണ് അച്ഛന്‍, ഈ വെള്ളി മെഡലിന്‌ ഞങ്ങളുടെ ജീവിതം മാറ്റാനാവണം: സാങ്കേത് മഹാദേവ്‌

സമകാലിക മലയാളം ഇപ്പോൾ വാട്ട്‌സ്ആപ്പിലും ലഭ്യമാണ്. ഏറ്റവും പുതിയ വാർത്തകൾക്കായി ക്ലിക്ക് ചെയ്യൂ