വാസ്കോ: അഞ്ച് വര്ഷത്തെ കാത്തിരിപ്പിനൊടുവില് ഐഎസ്എല് കിരീടം ബ്ലാസ്റ്റേഴ്സിന്റെ തൊട്ടരികില് എത്തി നില്ക്കുന്നതിന്റെ ത്രില്ലിലാണ് ആരാധകര്. ഈ ത്രില്ല് കൂട്ടാന് മഞ്ഞപ്പട കൂട്ടത്തെ ഗോവയിലേക്ക് ക്ഷണിക്കുകയാണ് ആശാന്. അതും സ്റ്റൈലായി തന്നെ...
ആരവങ്ങള് ഒഴിഞ്ഞ ഗ്യാലറിയിലാണ് ഐഎസ്എല് മത്സരങ്ങള് സെമി വരെ നടന്നത്. എന്നാല് ഫൈനലില് കാണികളെ പ്രവേശിപ്പിക്കും. ഇതോടെ സ്റ്റേഡിയം മഞ്ഞക്കടലാക്കാന് ഒരുങ്ങുകയാണ് ബ്ലാസ്റ്റേഴ്സ് ആരാധകര്.
ആരാധകരെ ഗോവയിലേക്ക് ക്ഷണിച്ച് കോച്ച് വുകോമനോവിച്ചിന്റെ വീഡിയോയാണ് ബ്ലാസ്റ്റേഴ്സ് പങ്കുവെക്കുന്നത്. നിങ്ങളെ ഗോവയിലേക്ക് ക്ഷണിക്കുന്നു. ഇവിടെ വന്ന് ഞങ്ങളെ സപ്പോര്ട്ട് ചെയ്യൂ എന്നതിനൊപ്പം ഗോഡ്ഫാദര് സിനിമയിലെ കേറി വാടാ മക്കളെ ഡയലോഗും വരുന്നു വുകോമനോവിച്ചില് നിന്ന്...
മാര്ച്ച് 20ന് ഫറ്റോര്ഡയിലാണ് ഫൈനല്
മാര്ച്ച് 20ന് ഫറ്റോര്ഡയിലാണ് ഫൈനല്. ഫൈനലില് ബ്ലാസ്റ്റേഴ്സിന്റെ എതിരാളി ആരെന്ന് ഇന്നറിയാം. 1-3ന്റെ ഗോള് വ്യത്യാസത്തില് നില്ക്കുന്ന ഹൈദരാബാദ് ഫൈനലിലേക്ക് കടക്കാനാണ് സാധ്യത കൂടുതല്. എന്നാല് കൊല്ക്കത്തയെ ഫൈനലില് കിട്ടണം എന്ന ആഗ്രഹം ആരാധകര്ക്കുണ്ട്. കഴിഞ്ഞ രണ്ട് വട്ടം ഫൈനലില് എത്തിയപ്പോഴും ബ്ലാസ്റ്റേഴ്സിനെ തോല്പ്പിച്ചത് അത്ലറ്റിക്കോ ആയിരുന്നു.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates