ലണ്ടന്: ഫോമിന്റെ പാരമ്യത്തില് നില്ക്കെ ഇന്ത്യന് ഓപ്പണര് പൃഥ്വി ഷായ്ക്ക് വമ്പന് തിരിച്ചടി. കൗണ്ടിയില് നോര്ത്താംപ്റ്റന്ഷെയറിനായി മാരക ഫോമില് ബാറ്റ് വീശിയ പൃഥ്വി കാല്മുട്ടിനു പരിക്കേറ്റ് പുറത്തായി. താരത്തിനു ഇനി ശേഷിക്കുന്ന കൗണ്ടി മത്സരങ്ങള് കളിക്കാന് കഴിയില്ല.
ഇരട്ട സെഞ്ച്വറിയും പിന്നാലെ സെഞ്ച്വറിയുമടിച്ച് പൃഥ്വി കൗണ്ടിയില് തരംഗമായിരുന്നു. താരത്തിന്റെ പരിക്ക് സംബന്ധിച്ച് ബിസിസിഐ മെഡിക്കല് സംഘം നിരീക്ഷണം തുടരുന്നുണ്ട്. ലണ്ടനിലെ ആരോഗ്യ വിദഗ്ധരുമായും ബിസിസിഐ താരത്തിന്റെ പരിക്ക് സംബന്ധിച്ച് ചര്ച്ച നടത്തും.
153 പന്തില് 244 റണ്സും പിന്നാലെ 76 പന്തില് 125 റണ്സും പൃഥ്വി എടുത്തിരുന്നു. മറ്റ് രണ്ട് മത്സരങ്ങളില് 26, 34 എന്നിങ്ങനെയായിരുന്നു താരത്തിന്റെ സ്കോര്. ടൂര്ണമെന്റിലെ ടോപ് സ്കോററും പൃഥ്വിയാണ്. 429 റണ്സാണ് ഇതുവരെ അടിച്ചത്.
ഈ വാര്ത്ത കൂടി വായിക്കൂ
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates