പുനെ: ഇംഗ്ലണ്ടിനെതിരായ ഏകദിനത്തില്‍ ബെന്‍ സ്റ്റോക്ക്സിന്റെ റണ്‍ഔട്ട് തീരുമാനത്തില്‍ ഇന്ത്യക്ക് പ്രതികൂലമായി അമ്പയറുടെ വിധി വന്നത് വിമര്‍ശനത്തിന് ഇടയാക്കി. അതിനിടയില്‍ ഈ റണ്‍ഔട്ടിനെ കുറിച്ച് അമ്പയര്‍ നിതിന്‍ മേനോനുമായി സംസാരിക്കാന്‍ ശ്രമിക്കുന്ന കോഹ് ലിയുടെ വീഡിയോയാണ് പുറത്തു വരുന്നത്.
ഗ്രൗണ്ടില്‍ അമ്പയറോട് ഈ റണ്‍ഔട്ടിനെ കുറിച്ച് ചര്‍ച്ച ചെയ്യാന്‍ കോഹ് ലി പ്രയത്‌നിക്കുന്നുണ്ട് എങ്കിനും നിതിന്‍ മേനോന്‍ കോഹ് ലിയെ പൂര്‍ണമായും അവഗണിക്കുന്നു. ഇംഗ്ലണ്ട് ഇന്നിങ്‌സിന്റെ 26ാം ഓവറിലാണ് സംഭവം. ബെന്‍ സ്റ്റോക്ക്സ് 35 പന്തില്‍ നിന്ന് 31 റണ്‍സ് എടുത്ത് നില്‍ക്കുകയായിരുന്നു അപ്പോള്‍.
റണ്‍ഔട്ടില്‍ നിന്ന് ജീവന്‍ തിരികെ കിട്ടിയതിന് പിന്നാലെ അടിച്ചു തകര്‍ക്കുകയാണ് സ്റ്റോക്ക്സ് ചെയ്തത്. 52 ഡെലിവറിയില്‍ നിന്ന് 10 സിക്‌സും നാല് ഫോറും സഹിതം നേടിയത് 99 റണ്‍സ്. എന്നാല്‍ സ്റ്റോക്ക്സ് അവിടെ ഔട്ട് ആയിരുന്നു എന്ന വിലയിരുത്തലുകളാണ് ശക്തം.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates