ഡര്‍ഹാം: ഇംഗ്ലണ്ടിനെതിരായ ടെസ്റ്റ് പരമ്പരക്ക് മുന്‍പായി ഡര്‍ഹാമില്‍ പരിശീലനം ആരംഭിച്ച് ഇന്ത്യന്‍ ടീം. ലോക ടെസ്റ്റ് ചാമ്പ്യന്‍ഷിപ്പ് ഫൈനലിന് പിന്നാലെ അവധി അഘോഷിച്ച് മടങ്ങിയെത്തിയ ഇന്ത്യന്‍ സംഘത്തിന്റെ ആദ്യ പരിശീലന സെഷനായിരുന്നു വെള്ളിയാഴ്ചയിലേത്.
ആദ്യ ദിനം ടീമിന്റെ സ്‌ട്രെങ്ത് ആന്‍ഡ് മൊബിലിറ്റി സെഷനാണ് നടന്നത്. രോഹിത്, കോഹ് ലി, ബൂമ്ര, രഹാനെ ഉള്‍പ്പെടെയുള്ള കളിക്കാര്‍ വാം അപ്പ് ചെയ്യുന്നത്, ഫീല്‍ഡിങ് ഡ്രില്‍, ഫുട്‌ബോള്‍ കളിക്കുന്നത് എന്നിവ ബിസിസിഐ പങ്കുവെച്ച വീഡിയോയില്‍ കാണാം.
പരിശീലനത്തിന് ഇടയില്‍ ചിരിയടക്കാനാവാതെ ഗ്രൗണ്ടില്‍ കിടക്കുകയാണ് കോഹ് ലി. ഇന്ത്യന്‍ ഫീല്‍ഡിങ് കോച്ച് ആര്‍ ശ്രീധരിന്റെ ജന്മാദിനാഘോഷങ്ങളോടെയാണ് വീഡിയോ അവസാനിക്കുന്നത്. ശ്രീധരിന്റെ 51ാം ജന്മദിനമായിരുന്നു വെള്ളിയാഴ്ച. ഓഗസ്റ്റ് നാലിനാണ് ഇന്ത്യ-ഇംഗ്ലണ്ട് പരമ്പരയിലെ ആദ്യ ടെസ്റ്റ്.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates