ഹൈദരാബാദ്: മുംബൈ ഇന്ത്യൻസ് നായകൻ ഹർദിക് പാണ്ഡ്യ വലിയ സമ്മർദ്ദത്തിലാണ്. അതിനിടെ ഹർ​ദിക് വന്നപ്പോൾ കസേര ഒഴിഞ്ഞു കൊടുത്തു എഴുന്നേറ്റ് പോകുന്ന മുംബൈ പരിശീലക സംഘത്തിലെ ലസിത് മലിം​ഗയുടെ വീഡിയോയാണ് ഇപ്പോൾ സാമൂഹിക മാധ്യമങ്ങളിൽ നിറയുന്നത്.

സൺറൈസേഴ്സ് ഹൈദരാബാദിനെതിരായ പോരിനിടെ ഡ​ഗൗട്ടിലാണ് സംഭവം. കീറൻ പൊള്ളാർഡും ലസിം​ത് മലിം​ഗയും ഇരിക്കുന്ന സ്ഥലത്തേക്ക് ഹർദിക് വന്നപ്പോൾ പൊള്ളാർഡ് എഴുന്നേൽക്കാൻ ശ്രമിക്കുന്നത് ദൃശ്യങ്ങളിൽ കാണാം. അതിനിടെ മലിം​ഗ സീറ്റിൽ നിന്നു എഴുന്നേറ്റ് പോകുന്നതും കാണാം. ഇതോടെ പൊള്ളാർഡ് കസേരയിൽ തന്നെ ഇരിക്കുന്നതും ദൃശ്യങ്ങളിലുണ്ട്.

വാര്‍ത്തകള്‍ അപ്പപ്പോള്‍ ലഭിക്കാന്‍ സമകാലിക മലയാളം ആപ് ഡൗണ്‍ലോഡ് ചെയ്യുക ഏറ്റവും പുതിയ വാര്‍ത്തകള്‍

രണ്ട് മത്സരങ്ങളും ദയനീയമായി പരാജയപ്പെട്ടു നിൽക്കുകയാണ് മുംബൈ. രോഹിതിനെ നായക സ്ഥാനത്തു നിന്നു മാറ്റിയതിൽ ആരാധക രോഷം ഒരുഭാ​ഗത്ത് നിൽക്കുന്നതിനിടെയാണ് രണ്ട് തോൽവികൾ ടീമിനു സംഭവിച്ചത്. ടീമിനകത്തും ഹർദികിനെതിരെ കലാപമുണ്ടെന്നും റിപ്പോർട്ടുകളുണ്ട്.

പാണ്ഡ്യയുടെ രോഹിതിനോടുള്ള സമീപനമടക്കം വിമർശനങ്ങൾ നേരിടുന്നു. മുംബൈയുടെ മുഖ്യ താരവും പേസറുമായ ജസ്പ്രിത് ബുംറയ്ക്ക് നിർണായക ഘട്ടത്തിൽ ഓവർ നൽകാത്ത ഹർദികിന്റെ തീരുമാനവും ടീമിന്റെ പ്രകടനത്തെ ബാധിച്ചതായി വിമർശകർ ചൂണ്ടിക്കാട്ടുന്നു.