ന്യൂഡല്ഹി: സൗരഭ് ചൗധരിക്ക് ഫൈനലില് കാലിടറിയതിന് പിന്നാലെ ഷൂട്ടിങ്ങില് ഇന്ത്യയുടെ മെഡല് പ്രതീക്ഷയായിരുന്നു മനു ഭേക്കര്. എന്നാല് 10 മീറ്റര് എയര് പിസ്റ്റളില് ഫൈനല് കടക്കാനാവാതെ മനു ഭേക്കര് പുറത്തായി. പിസ്റ്റളിലെ സാങ്കേതിക തകറാരിനെ തുടര്ന്ന് ആറ് മിനിറ്റോളം നഷ്ടപ്പെട്ടതാണ് താരത്തെ ഉലച്ചത്.
രണ്ടാം സീരീസിലെ ആറാം ഷോട്ടിന് പിന്നാലെയാണ് പിസ്റ്റളില് സാങ്കേതിക തകരാര് നേരിട്ടത്. ഇലക്ട്രിക് ട്രിഗറിലെ സെര്ക്യൂട്ട് തകരാറാണ് മനു ഭേക്കറിന്റെ മെഡല് പ്രതീക്ഷകളെ തകിടം മറിച്ചത്. തകരാര് നേരിട്ടതോടെ കോച്ചിനും ജൂറിക്കുമൊപ്പം ടെസ്റ്റ് ടെന്റിലെത്തി മനു ഭേക്കര് പിസ്റ്റള് മാറ്റി.
എന്നാല് ഈ സമയ നഷ്ടം മനു ഭേക്കറിന്റെ പ്രകടനത്തെ ബാധിച്ചു. പിന്നെ വന്ന സീരിസില് 95,94 സ്കോര് ആണ് നേടിയത്. അഞ്ചാം സീരീസില് 98ലേക്ക് എത്തി മനു ഭേക്കര് തിരിച്ചു വരവ് നടത്തി. ആറാം സീരിസില് കണ്ടെത്താനായത് 95.
അവസാന ഷോട്ടില് എട്ട് പോയിന്റ് മാത്രമാണ് നേടാനായത്. അവസാന സീരീസില് സമ്മര്ദത്തിലേക്ക് വീണതോടെ ഒരു എട്ടും മൂന്ന് 9മാണ് മനു ഭേക്കറിന് കണ്ടെത്താനായത്. ഇതോടെ ഫൈനല് സ്വപ്നവും അസ്തമിച്ചു. 575 പോയിന്റോടെ 12ാം സ്ഥാനത്താണ് മനു ഭേക്കര് ക്വാളിഫിക്കേഷന് റൗണ്ട് അവസാനിപ്പിച്ചത്. സിംഗിള്സില് തിരിച്ചടി നേരിട്ടെങ്കിലും യശസ്വിനി ദേസ്വാളിനൊപ്പം മനു ഭേക്കര് മിക്സഡ് ടീം ഇവന്റില് ഇറങ്ങുന്നുണ്ട്.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates