വാരണാസി: കളിയില്‍ തോറ്റതിന്റെ പേരില്‍ ടീം അംഗങ്ങളെ ക്രൂരമായി മര്‍ദിച്ച് പരിശീലകന്‍. അണ്ടര്‍ 11 ഫുട്‌ബോള്‍ ടീം താരങ്ങള്‍ക്കാണ് പരിക്കേറ്റത്. ഉത്തര്‍പ്രദേശിലെ ശിവ്പൂരിലാണ് സംഭവം.
ബനാറസ് ഹിന്ദു സര്‍വകലാശാല ക്യാമ്പസില്‍ വെള്ളിയാഴ്ച നടന്ന ടൂര്‍ണമെന്റില്‍ ഇവരുടെ ടീം തോറ്റിരുന്നു. ഡല്‍ഹിക്കാരനായ കോച്ച് മുഹമ്മജ് ശദാബ് എന്നെയും മറ്റ് രണ്ട് കുട്ടികളേയും മുറിയില്‍ പൂട്ടിയിട്ട് മര്‍ദിച്ചു, കുട്ടികളിലൊരാള്‍ പറയുന്നു.
വടിയും ബെല്‍റ്റും ചെറിപ്പും ഉപയോഗിച്ചാണ് ക്രൂരമായി പരിശീലകന്‍ ഇവരെ മര്‍ദിച്ചത്. കുട്ടികളുടെ മാതാപിതാക്കള്‍ പൊലീസില്‍ പരാതി നല്‍കി. ഐപിസി 342, 504,506 വകുപ്പുകള്‍ ചുമത്തിയാണ് കേസെടുത്തിരിക്കുന്നത്. ഇയാള്‍ ഇപ്പോള്‍ ഒളിവിലാണ്.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates