ന്യൂഡല്ഹി: ടി20 രാജ്യാന്തര മത്സരങ്ങളില് പാകിസ്ഥാന് ഓപ്പണര് മുഹമ്മദ് റിസ്വാന്, ഇന്ത്യന് ക്രിക്കറ്റ് ക്യാപ്റ്റന് രോഹിത് ശര്മയുടെ റെക്കൊര്ഡിനൊപ്പം. ടി20 രാജ്യാന്തര മത്സരങ്ങളില് ഓപ്പണര് സ്ഥാനത്ത് ഏറ്റവുമധികം അര്ധ സെഞ്ച്വറി നേടിയതിന് രോഹിതിന്റെ പേരിലുള്ള റെക്കോര്ഡിനൊപ്പമാണ് റിസ്വാന് എത്തിയത്. കഴിഞ്ഞ മത്സരത്തില് കാനഡയ്ക്കെതിരെ അര്ധ സെഞ്ച്വറി നേടിയതോടെയാണ് പട്ടികയില് രോഹിതിനൊപ്പം റിസ്വാനും ഒന്നാം സ്ഥാനം പങ്കിട്ടത്.
വാര്ത്തകള് അപ്പപ്പോള് ലഭിക്കാന് സമകാലിക മലയാളം ആപ് ഡൗണ്ലോഡ് ചെയ്യുക ഏറ്റവും പുതിയ വാര്ത്തകള്
ഓപ്പണര് സ്ഥാനത്ത് 30 അര്ധ സെഞ്ച്വറിയാണ് രോഹിതിന്റെ പേരിലുള്ളത്. കാനഡയ്ക്കെതിരായ പാകിസ്ഥാന്റെ വിജയത്തില് റിസ്വാന്റെ അര്ധ സെഞ്ച്വറിയാണ് നിര്ണായകമായത്. 52 പന്തുകളില് നിന്നാണ് 32കാരന് അര്ധ സെഞ്ച്വറി കുറിച്ചത്.
71 മത്സരങ്ങളില് നിന്നാണ് റിസ്വാന് ഈ നേട്ടം കൈവരിച്ചത്. രോഹിത് 118 മത്സരങ്ങളില് നിന്നാണ് 30 അര്ധ സെഞ്ച്വറി തികച്ചത്. അര്ധ സെഞ്ച്വറികളുടെ എണ്ണത്തില് പാകിസ്ഥാന്റെ ബാബര് അസമാണ് മൂന്നാം സ്ഥാനത്ത്. 28 അര്ധ സെഞ്ച്വറിയാണ് ഇദ്ദേഹത്തിന്റെ പേരിലുള്ളത്.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates