കൊച്ചി: ഇന്ത്യന്‍ സൂപ്പര്‍ ലീഗില്‍ കേരള ബ്ലാസ്റ്റേഴ്‌സിന് വീണ്ടും തോല്‍വി. മോഹൻ ബ​ഗാൻ എതിരില്ലാതെ മൂന്ന് ​ഗോളുകൾക്കാണ് ബ്ലസ്റ്റേഴ്സിനെ തോൽപ്പിച്ചത്. ഇതോടെ ബ്ലാസ്റ്റേഴ്‌സിന്റെ പ്ലേ ഓഫ് സ്വപ്‌നങ്ങള്‍ക്ക് മങ്ങലേറ്റു.

സ്വന്തം തട്ടകത്തിൽ ജയം ലക്ഷ്യമിട്ടിറങ്ങിയ ബ്ലാസ്റ്റേഴ്സിന് ആദ്യം മുതൽ തന്നെ കാലിടറി. 28-ാം മിനിറ്റിൽ ബ്ലാസ്റ്റേഴ്സിനെതിരെ ആദ്യ നേടി ജെയ്മി മക്ലാരൻ ലീഡെടുത്തു. 40-ാം മിനിറ്റിൽ ജേസണ്‍ കമ്മിങ്‌സിന്റെ അസിസ്റ്റിൽ മക്ലാരൻ നീട്ടിയടിച്ച പന്ത് വീണ്ടും ബ്ലാസ്റ്റേഴ്സിന്റെ ​ഗോൾ വല കുലുക്കി.

66-ാം മിനിറ്റില്‍ ആല്‍ബര്‍ട്ടോ റോഡ്രിഗസ് ബഗാനായി മൂന്നാം ഗോള്‍ നേടിയതോടെ ബ്ലാസ്‌റ്റേഴ്‌സ് പരാജയത്തോടെ മടങ്ങി. മത്സരത്തിൽ ഏറെ നേരം പന്ത് കൈവശം വെച്ചത് കേരള ബ്ലാസ്റ്റേഴ്സായിരുന്നു. 67 ശതമാനമായിരുന്നു ബോൾ പൊസെഷൻ. എന്നാൽ മികച്ച അവസരങ്ങൾ സൃഷ്ടിക്കാനോ ലഭിച്ച അവസരങ്ങൾ ​ഗോളാക്കി മാറ്റാനോ സാധിച്ചില്ല.

'പാക് താരങ്ങള്‍ കോഹ്‌ലിയേയും മറ്റ് ഇന്ത്യന്‍ കളിക്കാരേയും കെട്ടിപ്പിടിക്കരുത്'; ചാംപ്യന്‍സ് ട്രോഫിക്ക് മുന്‍പ് 'മുന്നറിയിപ്പ്'- വിഡിയോ

20 കളികളിൽ നിന്ന് 24 പോയിന്റോടെ എട്ടാം സ്ഥാനത്താണ് ബ്ലാസ്റ്റേഴ്സ്. ഏഴ് കളികൾ ജയിച്ചപ്പോൾ 10 എണ്ണം തോറ്റു. 21 കളികളിൽ നിന്ന് 49 പോയിന്റുമായി മോഹൻ ബ​ഗാൻ പട്ടികയിൽ ഒന്നാമതാണ്. ബം​ഗാൾ ടീം സെമി ഉറപ്പിക്കുകയും.