കഴിഞ്ഞ ദിവസം ഛത്തിസ്ഗഢിനെതിരായ രഞ്ജി പോരാട്ടത്തില്‍ ഇരട്ട സെഞ്ച്വറി നേടി ചേതേശ്വര്‍ പൂജാര നിരവധി നേട്ടങ്ങളില്‍ പേരെഴുതി ചേര്‍ത്തു.
ഛത്തീസ്ഗഢിനെതിരായ പോരാട്ടത്തില്‍ താരം 234 റണ്‍സാണ് കണ്ടെത്തിയത്. 383 പന്തുകള്‍ നേരിട്ടാണ് താരത്തിന്റെ കിടിലന്‍ ബാറ്റിങ്. 25 ഫോറും 1 സിക്‌സും അടങ്ങുന്നതായിരുന്നു ഇന്നിങ്സ്.
ഫസ്റ്റ് ക്ലാസ് ക്രിക്കറ്റില്‍ പൂജാര നേടുന്ന 18ാം ഇരട്ട സെഞ്ച്വറിയാണിത്. അന്താരാഷ്ട്ര പോരാട്ടത്തിലെ 3 ഇരട്ട ശതകങ്ങളും ഇതിലുണ്ട്. ഇന്ത്യക്കായി 19 സെഞ്ച്വറികളാണ് താരം നേടിയിട്ടുള്ളത്.
ഫസ്റ്റ് ക്ലാസ് ക്രിക്കറ്റില്‍ ഏറ്റവും കൂടുതല്‍ ഇരട്ട സെഞ്ച്വറികള്‍ നേടുന്ന ക്രിക്കറ്റിലെ മഹാരാധന്‍മാരുടെ പട്ടികയില്‍ പൂജാര ഇനി നാലാം സ്ഥാനത്ത്. ഇന്ത്യന്‍ താരങ്ങളില്‍ ഒന്നാമന്‍. ഡോണ്‍ ബ്രാഡ്മാനാണ് (1928-29, 1947-48) പട്ടികയില്‍ മുന്നില്‍ 37 ഡബിള്‍ സെഞ്ച്വറികള്‍. വാള്‍ടര്‍ ഹാമണ്ട് (1925-1946-47) 36 ഡബിലുമായി രണ്ടാം സ്ഥാനത്ത്. എലിയാസ് ഹെന്‍ഡന്‍ (1919-36) 22 ഇരട്ട ശതകവുമായി മൂന്നാമത്.
21ാം നൂറ്റാണ്ടില്‍ 15ല്‍ കൂടുതല്‍ ഇരട്ട സെഞ്ച്വറി ഫസ്റ്റ് ക്ലാസ് ക്രിക്കറ്റില്‍ കണ്ടെത്തിയ മൂന്ന് താരങ്ങളില്‍ ഒരാളും, പട്ടികയില്‍ ഒന്നാമനും പൂജാര തന്നെ. മാര്‍ക്ക് രാംപ്രകാശ്, ഗ്രെയം ഹിക്ക് (16) എന്നിവരാണ് പട്ടികയിലെ മറ്റുള്ളവര്‍.
ഏറ്റവും കൂടുതല്‍ ഫസ്റ്റ് ക്ലസ് ഇരട്ട സെഞ്ച്വറികള്‍ നേടിയ ഇന്ത്യന്‍ താരങ്ങളുടെ പട്ടികയില്‍ പൂജാര ഏറെ മുന്നില്‍. രണ്ടാമതുള്ള ഇന്ത്യന്‍ താരം ഇതിഹാസം വിജയ് മര്‍ച്ചന്റാണ്. അദ്ദേഹത്തിന് 11 ഡബിള്‍ സെഞ്ച്വറികള്‍. വിജയ് ഹസാരെ, സുനില്‍ ഗാവസ്‌കര്‍, രാഹുല്‍ ദ്രാവിഡ് എന്നിവര്‍ 10 ഡബിള്‍. വസിം ജാഫര്‍, പരസ് ദോഗ്ര എന്നിവര്‍ക്ക് 9 ഇരട്ട ശതകങ്ങള്‍.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates