മുന്‍ ഇന്ത്യന്‍ വിക്കറ്റ് കീപ്പറായിരുന്ന ഐപിഎല്ലില്‍ മുംബൈ ഇന്ത്യന്‍സിന്റെ ടാലന്റ് സ്‌കൗട്ട് കിരണ്‍ മൊറെയ്ക്ക് കോവിഡ്. ടീമിന്റെ ഔദ്യോഗിക ട്വിറ്റര്‍ പേജിലൂടെയാണ് വിവരം പുറത്തുവിട്ടത്. മൊറെയ്ക്ക് കോവിഡ് ലക്ഷണങ്ങള്‍ ഒന്നുമില്ലെന്നും ഇപ്പോള്‍ ഐസൊലേഷനിലാണെന്നും ട്വീറ്റില്‍ പറയുന്നു. 

മൊറെയും മുംബൈ ഇന്ത്യന്‍സ് അംഗങ്ങളും ബിസിസിഐയുടെ എല്ലാ മുന്‍കരുതലുകളും ഉറപ്പാക്കിയിരുന്നെന്നും ടീം ട്വിറ്റില്‍ അറിയിച്ചിട്ടുണ്ട്. 

നേരത്തെ ഡല്‍ഹി കാപിറ്റല്‍സ് താരം അക്‌സര്‍ പട്ടേലിനും ആര്‍സിബി താരം ദേവദത്ത് പഠിക്കലിനും കോവിഡ് സ്ഥിരീകരിച്ചിരുന്നു. അക്‌സര്‍ ഐസൊലേഷനിലാണ്. ദേവദത്ത് വീട്ടില്‍ ക്വാറന്റീന്‍ തുടരുകയാണ്. ഇതിനുപുറമെ ചെന്നൈ സൂപ്പര്‍ കിങ്‌സ് സ്റ്റാഫ് അംഗത്തിനും വൈറസ് ബാധ സ്ഥിരീകരിച്ചു.