ധാക്ക: ശ്രീലങ്കയ്ക്കെതിരായ രണ്ടാം ഏകദിനത്തിൽ സെഞ്ചുറിയുമായി മുഷ്ഫിഖർ റഹീമാണ് താരമായത്. എന്നാൽ സമൂഹമാധ്യമങ്ങളിൽ ഇപ്പോൾ വൈറലാവുന്നത് വിക്കറ്റിന് പിന്നിൽ നിന്നുള്ള മുഷ്ഫിഖറിന്റെ പ്രതികരണമാണ്.

ശ്രീലങ്കൻ ഇന്നിങ്സിന്റെ സമയം വിക്കറ്റിന് പിന്നിൽ നിന്ന് വന്ന മുഷ്ഫിഖറിന്റെ വാക്കുകളാണ് സ്റ്റംപ് മൈക്ക് പിടിച്ചത്. ബാറ്റ്സ്മാൻ ​അടുത്തേക്ക്  വരുമ്പോൾ തള്ളാനാണ് മുഷ്ഫിഖർ പറയുന്നത്. ബം​ഗാളി ഭാഷയിലാണ് ഇവിടെ മുഷ്ഫിഖർ സംസാരിച്ചത്. ലങ്കൻ ഇന്നിങ്സിന്റെ 11ാം ഓവറിൽ മെഹ്ദി ഹസൻ ബൗൾ ചെയ്യുമ്പോഴാണ് സംഭവം. 

ധനുഷ്ക ​ഗുണതിലകയായിരുന്നു ഈ സമയം ബാറ്റ് ചെയ്തിരുന്നത്. സിം​ഗിൾ എടുക്കാനുള്ള ഇവിടുത്തെ ശ്രമം ബൗളർ തടഞ്ഞിരുന്നു. കളിൽ 127 പന്തിൽ നിന്ന് 125 റൺസ് നേടി മുഷ്ഫിഖർ ബം​ഗ്ലാദേശിന്റെ ജയം ഉറപ്പിച്ചു. ജയത്തോടെ മൂന്ന് ഏകദിനങ്ങളുടെ പരമ്പര ബം​ഗ്ലാദേശ് 2-0ന് സ്വന്തമാക്കി കഴിഞ്ഞു.