ദോഹ: ലോകകപ്പ് സെമിയില് ബ്രസീലും അര്ജന്റീനയും നേര്ക്കുനേര് വരണമെന്ന് ആഗ്രഹിക്കുന്നതായി മുന് ഇംഗ്ലണ്ട് താരം വെയ്ന് റൂണി. ഇതേ ആഗ്രഹം തന്നെയാണ് തനിക്കുമുള്ളതെന്ന് മുന് പോര്ച്ചുഗല് ഇതിഹാസം ലൂയീസ് ഫിഗോ.
രണ്ട് വിജയങ്ങളുമായി ബ്രസീല് നിലവില് പ്രീ ക്വാര്ട്ടര് ഉറപ്പിച്ചാണ് നില്ക്കുന്നത്. അര്ജന്റീന ആദ്യ മത്സരത്തില് സൗദിയോട് തോറ്റെങ്കിലും രണ്ടാം മത്സരത്തില് മെക്സിക്കോയെ പരാജയപ്പെടുത്തി തിരിച്ചെത്തി. അവര്ക്ക് പോളണ്ടുമായുള്ള മത്സരം നിര്ണായകമാണ്.
സെമിയിലെ മറ്റ് രണ്ട് ടീമുകളായി റൂണി ആഗ്രഹിക്കുന്നത് ഇംഗ്ലണ്ട്- ബെല്ജിയം ആണ്. ഫിഗോ ഹോളണ്ട്- സ്പെയിന് ആണ് ഇഷ്ടപ്പെടുന്നത്.
ഗ്രൂപ്പ് ബിയില് നാല് പോയിന്റുമായാണ് ഇംഗ്ലണ്ട് നില്ക്കുന്നത്. ഒരു ജയമോ സമനിലയോ അവരുടെ നില ഭദ്രമാക്കും. സ്പെയിന്, ഹോളണ്ട് ടീമുകള് നിലവില് ഗ്രൂപ്പില് ഒന്നാം സ്ഥാനത്താണ്.
ബെല്ജിയത്തിന്റെ സ്ഥിതി മാത്രമാണ് പരുങ്ങലില്. ഒരു കളി ജയിച്ചാണ് നില്ക്കുന്നതെങ്കിലും രണ്ടാം കളിയില് മൊറോക്കോയോട് അപ്രതീക്ഷിത തോല്വി വഴങ്ങിയത് അവരുടെ കണക്കുകൂട്ടലുകള് അപ്പാടെ തെറ്റിച്ചു. കരുത്തരായ ക്രൊയേഷ്യയുമായാണ് അവര്ക്ക് ഇനി മത്സരിക്കാനുള്ളത്.
ഈ വാർത്ത കൂടി വായിക്കൂ
സമകാലിക മലയാളം ഇപ്പോൾ വാട്സ്ആപ്പിലും ലഭ്യമാണ്. ഏറ്റവും പുതിയ വാർത്തകൾക്കായി ക്ലിക്ക് ചെയ്യൂ
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates