മാറ്റിവച്ച ഐപിഎല്‍ 14-ാം സീസണ്‍ ഇന്ത്യയില്‍ തന്നെ നടക്കുമോ എന്ന കാര്യത്തില്‍ സംശയം പ്രകടിപ്പിച്ച് ന്യുസിലന്‍ഡ് താരം ജെയിംസ് നീഷാം. ടൂര്‍ണമെന്റ് പുനരാരംഭിക്കുകയാണെങ്കില്‍ താന്‍ മടങ്ങിവരാന്‍ തയ്യാറാണെന്നും നീഷാം പറഞ്ഞു.
'ഐപിഎല്‍ വീണ്ടും നടത്തിയാലും അത് ഇന്ത്യയിലാകുമോ എന്നെനിക്ക് സംശയമുണ്ട്. ഈ വര്‍ഷം അവസാനം നടക്കേണ്ട ടി20 ലോകകപ്പ് പോലും ഇന്ത്യയില്‍ നിന്ന് വേദി മാറ്റാന്‍ പദ്ധതി നടക്കുന്നുണ്ടെന്നാണ് ഞാന്‍ കരുതുന്നത്. ഇത്തരം കാര്യങ്ങളില്‍ അവര്‍ കൂടുതല്‍ ശ്രദ്ധിക്കും', നീഷാം പറഞ്ഞു.
ഐപിഎല്‍ എന്താണെന്ന് അറിഞ്ഞിട്ട് തന്നെയാണ് ഞാന്‍ ടൂര്‍ണമെന്റിന് സൈന്‍ ചെയ്തത്. ടൂര്‍ണമെന്റ് അവസാനിക്കുന്നതിന് മുമ്പ് സ്വയം പിന്മാറേണ്ടിവരുമെന്ന് ഒരിക്കലും ചിന്തിച്ചിരുന്നില്ല. ഇക്കാര്യത്തില്‍ പലര്‍ക്കും വ്യത്യസ്ത അഭിപ്രായമായിരിക്കും, പക്ഷെ എനിക്കിത് ജോലിയാണ്. ഞാന്‍ ഒരു പ്രൊഫഷണല്‍ ആണ്. അങ്ങനെയാകുമ്പോള്‍ നിങ്ങള്‍ക്ക് പോകാന്‍ താത്പര്യമില്ലാത്ത രാജ്യങ്ങളിലേക്ക് പലതവണ പോകേണ്ടിവരും. അത് പൂര്‍ണമായും ജോലി ചെയ്യുന്നതുമായി ബന്ധപ്പെട്ടാണ്', താരം പറഞ്ഞു.
ഐപിഎല്‍ ഇത്രവേഗം നിര്‍ത്തിവയ്‌ക്കേണ്ടിവരുമെന്ന് ആരും കരുതിക്കാണില്ല. വാക്‌സിനേഷന്‍ ലഭിച്ചുതുടങ്ങിയാല്‍ താന്‍ ഇനിയും കരാര്‍ ഒപ്പിടുമെന്നും നീഷാം പറഞ്ഞു.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates