ലണ്ടന്: ഇംഗ്ലീഷ് ലീഗ് കപ്പില് (കാര്ബാവോ കപ്പ്) വന് അട്ടിമറി. പ്രീമിയര് ലീഗ് ചാമ്പ്യന്മാരായ മാഞ്ചസ്റ്റര് സിറ്റി ടൂര്ണമെന്റില് നിന്നു പുറത്ത്. മൂന്നാം റൗണ്ടില് ന്യൂകാസില് യുനൈറ്റഡ് സിറ്റിയെ അട്ടിമറിച്ചു.
മറുപടിയില്ലാത്ത ഒറ്റ ഗോളിനാണ് ന്യൂകാസില് വിജയം പിടിച്ചത്. ആദ്യ പകുതി ഗോള് രഹിതമായപ്പോള് രണ്ടാം പകുതിയിലാണ് ന്യൂകാസില് വിജയ ഗോള് നേടിയത്. അലക്സാണ്ടര് ഇസക്കാണ് 53ാം മിനിറ്റില് വിജയ ഗോള് വലയിലാക്കിയത്. പിന്നീട് സിറ്റിയെ ഗോളടിക്കാതെ പ്രതിരോധിക്കാനും ന്യൂകാസിലിനു സാധിച്ചു.
അദ്യ പകുതിയില് കളിയില് മുന്തൂക്കം സിറ്റിക്കായിരുന്നു. എന്നാല് വല ചലിപ്പിക്കാന് സാധിച്ചില്ല. രണ്ടാം പകുതിയില് കിട്ടിയ അവസരം ന്യൂകാസില് മുതലെടുത്തു.
നാലാം റൗണ്ടില് നിലവിലെ ചാമ്പ്യന്മാരായ മാഞ്ചസ്റ്റര് യുനൈറ്റഡാണ് ന്യൂകാസിലിന്റെ എതിരാളികള്. കഴിഞ്ഞ സീസണില് ന്യൂകാസിലിനെ ഫൈനലില് വീഴ്ത്തിയാണ് യുനൈറ്റഡ് കിരീടം നേടിയത്. ആ തോല്വിക്ക് പകരം ചോദിക്കാനുള്ള അവസരമാണ് ന്യൂകാസിലിനു.
ഈ വാര്ത്ത കൂടി വായിക്കൂ
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates