ബാര്ബഡോസ്: അന്താരാഷ്ട്ര ടി20യില് പുതിയ നേട്ടം സ്വന്തമാക്കി വെസ്റ്റ് ഇന്ഡീസ് സ്റ്റാര് ബാറ്റര് നിക്കോളാസ് പൂരന്. ടി20യില് വിന്ഡീസിനായി ഏറ്റവും കൂടുതല് റണ്സ് നേടുന്ന ബാറ്ററെന്ന റെക്കോര്ഡാണ് താരം സ്വന്തമാക്കിയത്.
ഇതിഹാസ ഓപ്പണര്, യൂനിവേഴ്സ് ബോസ് ക്രിസ് ഗെയ്ലിന്റെ റെക്കോര്ഡാണ് പൂരന് പഴങ്കഥയാക്കിയത്. ന്യൂസിലന്ഡിനെതിരായ പോരാട്ടത്തില് 12 പന്തില് 17 റണ്സെടുത്തതോടെയാണ് നേട്ടം.
ഇതോടെ പൂരന്റെ റണ് നേട്ടം 91 മത്സരങ്ങളില് നിന്നു 1914 റണ്സ് ആയി. പൂരന്റെ ആവറേജ് 25.52. സ്ട്രൈക്ക് റേറ്റ് 134.03. ഉയര്ന്ന സ്കോര് 82 റണ്സ്.
വാര്ത്തകള് അപ്പപ്പോള് ലഭിക്കാന് സമകാലിക മലയാളം ആപ് ഡൗണ്ലോഡ് ചെയ്യുക ഏറ്റവും പുതിയ വാര്ത്തകള്
ഗെയ്ല് 79 ടി20 മത്സരങ്ങളില് നിന്നു 1899 റണ്സാണ് നേടിയത്. 27.92 ആണ് ഗെയ്ലിന്റെ ആവറേജ്. സ്ട്രൈക്ക് റേറ്റ് 137.50. ഉയര്ന്ന സ്കോര് 117 റണ്സ്.
അന്താരാഷ്ട്ര ടി20യില് ഏറ്റവും കൂടുതല് റണ്സെടുത്തതിന്റെ റെക്കോര്ഡ് പാകിസ്ഥാന് നായകന് ബാബര് അസമിന്റെ പേരിലാണ്. 4113 റണ്സ്. മൂന്ന് സെഞ്ച്വറികളും താരത്തിന് ഈ ഫോര്മാറ്റിലുണ്ട്. 122 റണ്സാണ് ഉയര്ന്ന സ്കോര്.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates