ന്യൂഡല്ഹി: ഒളിംപിക് സ്വര്ണ മെഡല് ജേതാവ് നീരജ് ചോപ്രക്ക് പത്മശ്രീ പുരസ്കാരം. രാഷ്ട്രപതിയുടെ വിശിഷ്ട സേവാ മെഡലും നീരജ് ചോപ്രയ്ക്ക് ലഭിച്ചിരുന്നു. പിന്നാലെയാണ് പത്മ പുരസ്കാരം.
ടോക്യോ ഒളിംപിക്സില് ഇന്ത്യക്കായി ജാവലിന് ത്രോയില് സ്വര്ണം നേടി അഭിമാനമായി മാറിയ താരമാണ് നീരജ് ചോപ്ര. ഒളിംപിക്സ് അത്ലറ്റിക്സില് വ്യക്തിഗത സ്വര്ണം നേടുന്ന ആദ്യ താരം കൂടിയാണ് നീരജ്.
പാരാലിംപിക്സ് താരമായ ദേവേന്ദ്ര ഝചാരിയക്ക് പത്മ ഭൂഷണ് പുരസ്കാരം സമ്മാനിക്കും. ഇത്തവണ പത്മ ഭൂഷണ് നേടിയ ഏക കായിക താരവും ജാവലിന് ത്രോ താരമായ ദേവേന്ദ്രയാണ്.
പാരാലിംപിക്സ് അത്ലറ്റായ ആവനി ലെഖ്റയ്ക്കും പത്മശ്രീ പുരസ്കാരം ലഭിച്ചു. സുമിത് ആന്ഡില്, പ്രമോദ് ഭഗത്, ശങ്കരനാരായണ മേനോന്, ഫൈസല് അലി ദാര്, വന്ദന കട്ടാരിയ, ബ്രഹ്മാനന്ദ് ശംഖ്വാകര് എന്നിവരും കായിക മേഖലയില് നിന്ന് പത്മശ്രീ പുരസ്കാരത്തിന് അര്ഹരായി.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates