ഹൈദരാബാദ്: ഏഴ് വര്‍ഷങ്ങള്‍ക്ക് ശേഷം ഇന്ത്യന്‍ മണ്ണിലേക്കുള്ള വരവ് ആഘോഷിച്ച് പാകിസ്ഥാന്‍ താരങ്ങള്‍. ലോകകപ്പ് പോരാട്ടത്തിനായി ഹൈദരാബാദില്‍ വന്നിറങ്ങിയ പാക് താരങ്ങള്‍ക്ക് ഊഷ്മളമായ വരവേല്‍പ്പാണ് ലഭിച്ചത്.
പാകിസ്ഥാന്റെ സന്നാഹ മത്സരങ്ങള്‍ ഹൈദരാബാദിലാണ്. ടീം പാകിസ്ഥാനില്‍ നിന്നു ദുബായ് വഴി ഇവിടെ വന്നിറങ്ങുകയായിരുന്നു. ആദ്യ സന്നാഹത്തില്‍ പക്ഷേ അവര്‍ ന്യൂസിലന്‍ഡിനോടു തോറ്റു. കൂറ്റന്‍ റണ്‍സെടുത്തിട്ടും അതു പ്രതിരോധിക്കുന്നതില്‍ ബൗളര്‍മാര്‍ പരാജയപ്പെട്ടു.
പക്ഷേ അതൊന്നും അവരെ അലട്ടുന്നില്ല. ലോകകപ്പ് പോരാട്ടത്തിനു ഫ്രഷായി ഇറങ്ങാനുള്ള തയ്യാറെടുപ്പുകളാണ് ടീം നടത്തുന്നത്. കളത്തിനു പുറത്തു അതിനാല്‍ തന്നെ അവര്‍ പരമാവധി ആസ്വദിക്കുന്നു. സമൃദ്ധമായി അത്താഴം കഴിച്ചും ആരാധകര്‍ക്കൊപ്പം സെല്‍ഫികളെടുത്തും ടീം അംഗങ്ങള്‍ ഇന്ത്യയിലേക്കുള്ള വരവ് തകര്‍പ്പനാക്കുകയാണ്.
ഇതിന്റെ വീഡിയോ ഇപ്പോള്‍ വൈറലായി മാറി. പാകിസ്ഥാന്‍ ഔദ്യോഗിക എക്‌സ് പേജിലാണ് വീഡിയോ പങ്കിട്ടത്.
സന്നാഹ മത്സരത്തില്‍ പാകിസ്ഥാന്‍ 345 റണ്‍സെടുത്തു. എന്നാല്‍ ന്യൂസിലന്‍ഡ് 43.4 ഓവറില്‍ ലക്ഷ്യം കണ്ടു. മുഹമ്മദ് റിസ്വാന്‍ (103) സെഞ്ച്വറിയടിച്ചു. ക്യാപ്റ്റന്‍ ബാബര്‍ അസം (80), സൗദ് ഷക്കീല്‍ (75) എന്നിവരും പാകിസ്ഥാനു വേണ്ടി തിളങ്ങി.
രചിന്‍ രവീന്ദ്ര (97), കെയ്ന്‍ വില്ല്യംസന്‍ (54), ഡാരില്‍ മിച്ചല്‍ (59), മാര്‍ക് ചാപ്മാന്‍ (65) എന്നിവരുടെ മികവാണ് കിവികളെ ജയത്തിലെത്തിച്ചത്.
ഈ വാര്‍ത്ത കൂടി വായിക്കൂ
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates