ദുബായ്: ഐസിസി ടെസ്റ്റ് റാങ്കിങില് സൂപ്പര്സ്റ്റാര് വിരാട് കോഹ് ലിയെ മറികടന്ന് ആറാം സ്ഥാനത്തെത്തി ഇന്ത്യന് താരം ഋഷഭ് പന്ത്. ന്യൂസിലന്ഡിനെതിരായ ആദ്യ ടെസ്റ്റിന്റെ രണ്ടാം ഇന്നിങ്സിലെ മികച്ച പ്രകടനമാണ് പന്തിന് തുണയായത്. പട്ടികയിലെ ആദ്യപത്ത് താരങ്ങളില് നാലാമതാണ് ഇന്ത്യന് ഓപ്പണര് യശ്വസി ജയ്സ്വാള്.
പട്ടികയില് എട്ടാം സ്ഥാനത്താണ് കോഹ്ലി. ആദ്യഇരുപതില് ഇന്ത്യന് ക്യാപ്റ്റന് രോഹിത് ശര്മയും ശുഭ്മാന് ഗില്ലും ഇടം പിടിച്ചിട്ടുണ്ട്. ഇംഗ്ലണ്ട് താരം ജോ റൂട്ടാണ് ഒന്നാമത്. പാകിസ്ഥാനെതിരായ മുല്ട്ടാന് ടെസ്റ്റിലെ സൂപ്പര് പ്രകടനമാണ് റൂട്ടിന് സഹായകമായത്. ന്യൂസിലന്ഡ് താരം കെവിന് വില്യംസന് രണ്ടാമതും ഇംഗ്ലണ്ട് താരം ഹാരി ബ്രൂക്ക് പട്ടികയില് മൂന്നാമതുമാണ്.
ബൗളിങ്ങില് ഇന്ത്യന് പേസര് ജസ്പ്രീത് ബുംറയാണ് ഒന്നാം സ്ഥാനത്ത്. സഹതാരം അശ്വിനാണ് രണ്ടാമത്. പട്ടികയിലെ ആദ്യപത്തില് മൂന്ന് ഇന്ത്യന് താരങ്ങള് ഇടംപിടിച്ചു. രവീന്ദ്ര ജഡേജ ഏഴാമതാണ്.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates