പാരിസ്: ബാഡ്മിന്റണ്‍ ഫൈനലിലെത്തി ചരിത്രം സൃഷ്ടിക്കാനുള്ള ഇന്ത്യയുടെ ലക്ഷ്യ സെന്നിന്റെ ശ്രമം വിജയിച്ചില്ല. സെമിയില്‍ നിലവിലെ ഒളിംപിക് ചാംപ്യന്‍ ഡെന്‍മാര്‍കിന്റെ വിക്ടര്‍ അക്‌സല്‍സെനു മുന്നില്‍ ലക്ഷ്യ പൊരുതി വീണു.
സ്കോര്: 20- 22, 14-21. സ്വര്‍ണം, വെള്ളി പ്രതീക്ഷകള്‍ അവസാനിച്ചെങ്കിലും ലക്ഷ്യക്ക് ഇനി വെങ്കല മെഡല്‍ പോരാട്ടമുണ്ട്. വെങ്കലം നേടിയാലും അതും ചരിത്ര നേട്ടം തന്നെ. നേരത്തെ ഒളിംപിക്‌സ് പുരുഷ ബാഡ്മിന്റണ്‍ സിംഗിള്‍സ് സെമിയിലെത്തുന്ന ആദ്യ ഇന്ത്യന്‍ താരമായി ലക്ഷ്യ ചരിത്രമെഴുതിയിരുന്നു.
വാര്‍ത്തകള്‍ അപ്പപ്പോള്‍ ലഭിക്കാന്‍ സമകാലിക മലയാളം ആപ് ഡൗണ്‍ലോഡ് ചെയ്യുക ഏറ്റവും പുതിയ വാര്‍ത്തകള്‍
ആദ്യ സെറ്റില്‍ ഒരു പോയിന്റ് കൂടി നേടിയാല്‍ സെറ്റ് സ്വന്തമാക്കാനുള്ള അവസരം ലക്ഷ്യക്കു മുന്നില്‍ തെളിഞ്ഞിരുന്നു. എന്നാല്‍ വിജയത്തിന്റെ വക്കില്‍ നില്‍ക്കെ അക്സല്സെന് തുടരെ പോയിന്റുകള് നേടി സെറ്റ് പിടിച്ചു.
രണ്ടാം സെറ്റില്‍ തുടരെ ഏഴ് പോയിന്റുകള് നേടി ലക്ഷ്യ വ്യക്തമായ ആധിപത്യം പുലര്‍ത്തിയെങ്കിലും ഡാനിഷ് താരത്തിന്റെ പരിചയ സമ്പത്തിനു മുന്നില്‍ ഇന്ത്യന്‍ താരത്തിനു അടിതെറ്റി. അതിവേഗം പോയിന്റുകള് സ്കോര് ചെയ്ത് ഡാനിഷ് താരം ലക്ഷ്യയുടെ കുതിപ്പിനു തടയിട്ടു.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates