ടി20 ലോകകപ്പില് ബംഗ്ലാദേശിനെതിരെ ഹാട്രിക്ക് നേടി ഓസീസ് നായകന് പാറ്റ് കമ്മിന്സ്. മഹമദ് ഉല്ല , മഹെദി ഹസന്, തൗഹിദ് ഹൃദോയ് എന്നിവരുടെ വിക്കറ്റുകളാണ് കമ്മിന്സ് നേടിയത്. ടി20 ലോകകപ്പില് ഹാട്രിക് നേടുന്ന ഏഴാമത്തെ താരമാണ് കമ്മിന്സ്.ടി20 യില് ഹാട്രിക് നേടുന്ന നാലാമത്തെ ഓസീസ് താരമെന്ന നേട്ടവും താരം സ്വന്തമാക്കി.
ബംഗ്ലാദേശ് ഇന്നിങ്സിന്റെ 18മത്തെ ഓവറിലാണ് കമ്മിന്സിന്റെ നേട്ടം. മത്സരത്തില് നാല് ഓവര് എറിഞ്ഞ താരം 29 റണ്സ് വഴങ്ങി മൂന്ന് വിക്കറ്റുകളാണ് വീഴ്ത്തിയത്.
ബ്രെറ്റ് ലിക്ക് ശേഷം ടി20 ലോകകപ്പില് ഓസീസിനായി ഹാട്രിക് നേടുന്ന താരമെന്ന റെക്കോര്ഡും കമ്മിന്സ് സ്വന്തമാക്കി. 2007 ലോകകപ്പില് ബംഗ്ലാദേശിനെതിരെയുമാണ് ബ്രറ്റ് ലീ ഹാട്രിക് നേടിയത്.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ
മത്സരത്തില് കമ്മിന്സിന് പുറമെ ആദം സാംപെ, മിച്ചല് സ്റ്റാര്ക്ക്, ഗ്ലെന് മാക്വെല്, മാര്ക്കസ് സ്റ്റോയിനിസ് എന്നിവര് ഓരോ വിക്കറ്റും വീഴ്ത്തി. മത്സരത്തില് 20 ഓവറില് എട്ട് വിക്കറ്റ് നഷ്ടത്തില് 140 റണ്സാണ് ബംഗ്ലാദേശിന് സ്കോര് ചെയ്യാനായത്.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates