സയ്‌ലീഷ: പോള്‍ വാള്‍ട്ടില്‍ വീണ്ടും ലോക റെക്കോര്‍ഡ് തിരുത്തി സ്വീഡന്റെ അര്‍മാന്‍ഡ് ഡുപ്ലാന്റിസ്. പാരിസ് ഒളിംപിക്‌സില്‍ തന്റെ തന്നെ റെക്കോര്‍ഡ് തിരുത്തി ദിവസങ്ങള്‍ മാത്രം പിന്നിടുമ്പോഴാണ് താരം വീണ്ടും സ്വന്തം നേട്ടം വീണ്ടും തിരുത്തിയത്.

സയ്‌ലീഷ ഡയമണ്ട് ലീഗിലാണ് ഡുപ്ലാന്റിസിന്റെ പുതിയ നേട്ടം. 6.26 മീറ്ററിലേക്ക് ഉയര്‍ന്നാണ് സ്വീഡിഷ് താരത്തിന്റെ നേട്ടം. പാരിസില്‍ 6.25 മീറ്ററായിരുന്നു താരം താണ്ടിയത്.

വാര്‍ത്തകള്‍ അപ്പപ്പോള്‍ ലഭിക്കാന്‍ സമകാലിക മലയാളം ആപ് ഡൗണ്‍ലോഡ് ചെയ്യുക ഏറ്റവും പുതിയ വാര്‍ത്തകള്‍

ഇത് പത്താം തവണയാണ് താരം സ്വന്തം റെക്കോര്‍ഡ് തിരുത്തുന്നത്. 2020ല്‍ 6.17 മീറ്റര്‍ താണ്ടിയാണ് ഡുപ്ലെന്റിസ് ആദ്യമായി ലോക റെക്കോര്‍ഡ് സ്വന്തമാക്കുന്നത്.

പിന്നീട് 6.18, 6.19, 6.20, 6.21, 6.22, 6.23, 6.24, 6.25, 6.26 എന്നിങ്ങനെയാണ് താരം ഉയരങ്ങളിലേക്ക് പറന്നത്.