ബസ്റ്റാഡ്: എടിപി പോരാട്ടമായ സ്വീഡിഷ് ഓപ്പണ് ടെന്നീസിന്റെ ഫൈനലിലേക്ക് മുന്നേറി ഇതിഹാസ സ്പാനിഷ് താരം റാഫേല് നദാല്. രണ്ട് വര്ഷത്തെ ഇടവേളയ്ക്ക് ശേഷമാണ് ഒരു ടെന്നീസ് പോരിന്റെ ഫൈനലിലേക്ക് താരം മുന്നേറിയത്. കളിമണ് പോരാട്ടമാണ് സ്വീഡിഷ് ഓപ്പണ്.
സെമിയില് കൊയേഷ്യന് യുവ താരം ഡുജെ അജുകോവിചിനെ വീഴ്ത്തിയാണ് നദാല് ഫൈനലുറപ്പിച്ചത്. ഇത്തവണ ഫ്രഞ്ച് ഓപ്പണ് പോരാട്ടത്തിന്റെ ആദ്യ റൗണ്ടില് തന്നെ പരാജയപ്പെട്ട് നദാല് പുറത്തായിരുന്നു.
വാര്ത്തകള് അപ്പപ്പോള് ലഭിക്കാന് സമകാലിക മലയാളം ആപ് ഡൗണ്ലോഡ് ചെയ്യുക ഏറ്റവും പുതിയ വാര്ത്തകള്
ആദ്യ സെറ്റ് കൈവിട്ട ശേഷം പിന്നീടുള്ള രണ്ട് സെറ്റുകളിലും ഗംഭീര തിരിച്ചു വരവ് നടത്തിയാണ് നദാല് ജയിച്ചു കയറിയത്. സ്കോര്: 4-6, 6-3, 6-4. 2022ലെ ഫ്രഞ്ച് ഓപ്പണ് ഫൈനലിലെത്തിയ ശേഷം ഇതാദ്യമായാണ് നദാല് എടിപി ലെവല് പോരിന്റെ ഫൈനല് കാണുന്നത്.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates