പൂനെ: രഞ്ജി ട്രോഫി ക്രിക്കറ്റിന്റെ ക്വാര്‍ട്ടര്‍ ഫൈനല്‍ മത്സരത്തില്‍ ജമ്മു കശ്മീരിനെതിരെ കേരളത്തിന് നിർണായക ഒന്നാമിന്നിങ്‌സ് ലീഡ്. സല്‍മാന്‍ നിസാറിന്റെ സെഞ്ച്വറിയുടെ മികവില്‍ ഒരു റണ്‍സിന്റെ ലീഡാണ് കേരളം നേടിയത്. സല്‍മാന്‍ 112 റണ്‍സെടുത്ത് പുറത്താകാതെ നിന്നു.

ജമ്മു കശ്മീര്‍ ആദ്യ ഇന്നിങ്‌സില്‍ നേടിയ 280 റണ്‍സിനെതിരെ ബാറ്റേന്തിയ കേരളം 281 റണ്‍സിന് എല്ലാവരും പുറത്തായി. 172 പന്തുകളില്‍ 12 ബൗണ്ടറികളും നാല് സിക്‌സറുകളും അടങ്ങുന്നതാണ് സല്‍മാന്‍ നിസാറിന്റെ സെഞ്ച്വറി. അര്‍ധസെഞ്ച്വറി നേടിയ ജലജ് സക്‌സേന സല്‍മാന് മികച്ച പിന്തുണ നല്‍കി.

സച്ചിനും ദ്രാവിഡും പിന്നില്‍; റെക്കോര്‍ഡുകള്‍ അടിച്ചെടുത്ത് 'ഹിറ്റ്മാന്‍'

ബേസിൽ തമ്പിക്കൊപ്പം പത്താം വിക്കറ്റിൽ 81 റൺസിന്റെ കൂട്ടുകെട്ടാണ് സൽമാൻ നിസാർ പടുത്തുയർത്തിയത്. ജലജ് സക്‌സേന 67 റണ്‍സെടുത്തു. എംഡി നിധീഷ് (30 റണ്‍സ് ), അക്ഷയ് ചന്ദ്രന്‍ (29 റണ്‍സ്), മുഹമ്മദ് അസറുദ്ദീന്‍ ( 15 റണ്‍സ്), ബേസില്‍ തമ്പി ( 15 റണ്‍സ്) എന്നിവരാണ് കേരള നിരയില്‍ രണ്ടക്കം കടന്ന ബാറ്റര്‍മാര്‍. കശ്മീരിന്റെ ആക്വിബ് നബി ആറു വിക്കറ്റ് വീഴ്ത്തി.