100 മീറ്ററില്‍ ജമൈക്കന്‍ സ്പ്രിന്റ് ഇതിഹാസം ഉസൈന്‍ ബോള്‍ട്ട് മുതല്‍ ചൈന, അമേരിക്ക ടീമുകള്‍ വരെ ഈ റെക്കോര്‍ഡ് പട്ടികയിലുണ്ട്.
2008ലെ ബെയ്ജിങ് ഒളിംപിക്സില് 9.69 സെക്കന്‍ഡുകള്‍ ഓടി തീര്‍ത്ത് ഉസൈന്‍ ബോള്‍ട്ട് സ്ഥാപിച്ച ഒളിംപിക് റെക്കോര്‍ഡ് നാല് വര്‍ഷത്തിനു ശേഷം താരം തന്നെ തിരുത്തി. 2012ലെ ലണ്ടന്‍ ഒളിംപിക്സില് ഈ റെക്കോര്‍ഡ് തിരുത്തി ബോള്‍ട്ട് 9.63 സെക്കന്‍ഡില്‍ ഓടി തീര്‍ത്ത് വീണ്ടും വിസ്മയം തീര്‍ത്തു. 2009ലെ ലോക ചാമ്പ്യന്‍ഷിപ്പില്‍ 9.58 സെക്കന്‍ഡില്‍ ഓടി ബോള്‍ട്ട് ലോക റെക്കോര്‍ഡ് കുറിച്ചിരുന്നു. നിലവില്‍ ഈ റെക്കോര്‍ഡുകളൊന്നും ആരും തകര്‍ത്തിട്ടില്ല.
1988ലെ എഡിഷനിലാണ് ടേബിള്‍ ടെന്നീസ് പോരാട്ടം ഒളിംപിക്സില് വരുന്നത്. ഇക്കാലത്തിനിടെ 100 മെഡലുകള്‍ ഒളിംപിക്സില് ടേബിള്‍ ടെന്നീസില്‍ നല്‍കിയിട്ടുണ്ട്. അതില്‍ 53 എണ്ണം ചൈന സ്വന്തമാക്കി. ഈ റെക്കോര്‍ഡ് സമീപത്തൊന്നും തകരാന്‍ സാധ്യതയില്ല.
ഇയാന്‍ മില്ലര്‍ എന്ന കനേഡിയന്‍ ഇക്വേസ്ട്രിയന്‍ ടീം ക്യാപ്റ്റനാണ് ഏറ്റവും കൂടുതല്‍ ഒളിംപിക്സ് മത്സരങ്ങള്‍ കളിച്ച താരം. 11 ഒളിംപിക്‌സുകളിലാണ് താരം കാനഡയ്ക്കായി കളത്തിലെത്തിയത്. 1972 മുതല്‍ 2012 വരെ തുടരെ 11 ഒളിംപിക്‌സുകള്‍. പക്ഷേ ഒരു സ്വര്‍ണ മെഡല്‍ പോലും നേടാന്‍ സാധിച്ചില്ല. ഒരു വെള്ളി മെഡലാണ് നേട്ടം. ടീം ജംപിങ് പോരിലാണ് വെള്ളിത്തിളക്കം.
1904ല്‍ നടന്ന ഒളിംപിക്സില് 280ല്‍ 231 മെഡലുകളും അമേരിക്ക നേടി. 76 സ്വര്‍ണം, 78 വെള്ളി, 77 വെങ്കലം ഉള്‍പ്പെടെ 231 മെഡലുകള്‍. രണ്ടാം സ്ഥാനത്ത് ജര്‍മനിയാണ്. അവര്‍ക്ക് ആകെ കിട്ടിയത് നാല് സ്വര്‍ണമടക്കം വെറും 15 മെഡലുകള്‍. ശേഷിക്കുന്ന ടീമുകളുടെ കാര്യം പിന്നെ പറയേണ്ടതില്ലല്ലോ! ഒരു ഒളിംപിക്സില് ഏറ്റവും കൂടുതല്‍ മെഡലുകളെന്ന ഈ റെക്കോര്‍ഡും ഇപ്പോഴും തകരാതെ നില്‍ക്കുന്നു.
ഒളിംപിക്സില് ഏറ്റവും കൂടുതല്‍ മെഡല്‍ നേടിയ താരം അമേരിക്കന്‍ നീന്തല്‍ ഇതിഹാസം മൈക്കല്‍ ഫെല്‍പ്‌സാണ്. 23 സ്വര്‍ണം, 3 വെള്ളി, 2 വെങ്കലം. ആകെ 28 മെഡലുകള്‍. മറ്റൊരു താരവും ഇതുവരെ സ്വര്‍ണത്തിന്റെ എണ്ണം രണ്ടക്കം കടത്തിയിട്ടില്ല.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates