ഹൈദരാബാദ്: ഐപിഎല്ലില്‍ റോയല്‍ ചലഞ്ചേഴ്‌സ് ബാംഗ്ലൂര്‍ ജീവന്മരണ പോരാട്ടത്തിനാണ് ഒരുങ്ങുന്നത്. സണ്‍റൈസേഴ്‌സ് ഹൈദരാബാദിനെതിരായ പോരാട്ടത്തില്‍ അവര്‍ക്ക് വിജയം അനിവാര്യം. പ്ലേ ഓഫ് പ്രതീക്ഷ നിലനിര്‍ത്താനുള്ള അവസാന പിടിവള്ളിയാണ് അവര്‍ക്ക് ഈ പോരാട്ടം.
മത്സരത്തിനായി ആര്‍സിബി താരങ്ങള്‍ ഹൈദരാബദിലുണ്ട്. അതിനിടെ സഹ താരങ്ങള്‍ ആര്‍സിബിയുടെ മുഹമ്മദ് സിറാജിന്റെ വീട് സന്ദര്‍ശിച്ചു. സിറാജ് ഹൈദരാബാദില്‍ പുതിയ വീട് നിര്‍മിച്ചിരുന്നു. ഈ വീട്ടിലേക്കാണ് ആര്‍സിബി താരങ്ങള്‍ വിരുന്നെത്തിയത്.
വിരാട് കോഹ്‌ലി, കേദാര്‍ ജാദവ് അടക്കമുള്ള ഇന്ത്യന്‍ താരങ്ങളും ഫാഫ് ഡുപ്ലെസി, വെയ്ന്‍ പാര്‍നല്‍ അടക്കമുള്ള വിദേശ താരങ്ങളും സംഘത്തിലുണ്ട്. ഒരു ആരാധകന്‍ താരങ്ങള്‍ സിറാജിന്റെ വീട്ടിലെത്തിയതിന്റെ വീഡിയോ ട്വിറ്ററില്‍ പങ്കിട്ടു. ഹൈദരാബാദിലെ ഫിലിം നഗറിലെ ജൂബിലി ഹിൽസിലാണ് താരത്തിന്റെ പുതിയ വീട്.
രാജസ്ഥാന്‍ റോയല്‍സിനെ ആധികാരികമായി വീഴ്ത്തിയതിന്റെ ആത്മവിശ്വാസത്തിലാണ് അവര്‍ എസ്ആര്‍എചിനെ നേരിടാനിറങ്ങുന്നത്. ഈ മാസം 18നാണ് പോരാട്ടം. സണ്‍റൈസേഴ്‌സ് ഇന്നലെ ഗുജറാത്തിനോട് തോറ്റ് ഐപിഎല്ലില്‍ നിന്നു പുറത്തായി കഴിഞ്ഞു. നിലവില്‍ ബാംഗ്ലൂരിന് 12 പോയിന്റുകളുണ്ട്. അടുത്ത രണ്ട് മത്സരങ്ങള്‍ വിജയിച്ചാല്‍ അവര്‍ക്ക് പ്ലേ ഓഫ് ഉറപ്പിക്കാം.
ഈ വാര്‍ത്ത കൂടി വായിക്കൂ
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates