ടോക്കിയോ ഒളിംപിക്സിൽ ഗുസ്തിയിൽ സാക്ഷി മാലിക്ക് മത്സരിക്കില്ല.‌ റിയോ ഒളിംപിക്സിൽ ഇന്ത്യയ്ക്കായി വെങ്കലം നേടിയ താരമാണ് സാക്ഷി. എന്നാൽ ഇക്കുറി പതിനെട്ടുകാരി സോനം മാലിക്കാണ് ഒളിംപിക് യോഗ്യത നേടിയത്. ദേശീയ ട്രയൽസിൽ സാക്ഷിയെ മറികടന്ന പതിനെട്ടുകാരി സോനം ഏഷ്യൻ യോഗ്യതാ മത്സരത്തിൽ 62 കിലോ വിഭാഗത്തിൽ ഫൈനലിലെത്തി ഒളിംപിക് യോഗ്യത ഉറപ്പിച്ചു. 

57 കിലോ വിഭാഗത്തിൽ അൻഷു മാലിക്കും 53 കിലോ വിഭാഗത്തിൽ വിനേഷ് ഫോഗട്ട്  യോഗ്യത നേടിയതോടെ ടോക്കിയോയിൽ വനിതാ ഗുസ്തിയിൽ ഇന്ത്യയ്ക്കു 3 പേരായി. ബജ്‌രംഗ് പുനിയ, രവി ദഹിയ, ദീപക് പുനിയ എന്നിവരാണ് പുരുഷ വിഭാഗത്തിൽ യോ​ഗ്യത നേടിയിരിക്കുന്നത്.