മാഡ്രിഡ്: സ്പാനിഷ് കപ്പ് (കോപ്പ ഡെല്‍ റെ) കിരീടത്തില്‍ മുത്തമിട്ട് റയല്‍ മാഡ്രിഡ്. ഒസാസുനയെ ഒന്നിനെതിരെ രണ്ട് ഗോളുകള്‍ക്ക് വീഴ്ത്തിയാണ് റയല്‍ കിരീടം നേടിയത്. അവരുടെ 20ാം കോപ്പ ഡെല്‍ റേ നേട്ടമാണിത്. 2014ന് ശേഷം ആദ്യമായാണ് അവര്‍ കിരീടം തിരിച്ചു പിടിക്കുന്നത്. 

ശക്തമായ വെല്ലുവിളിയാണ് ഫൈനലില്‍ ഓസാസുന ഉയര്‍ത്തിയത്. റോഡ്രിഗോ ഇരു പകുതികളിലായി നേടിയ ഗോളുകളാണ് റയലിന്റെ കിരീട നേട്ടത്തിലേക്കുള്ള വഴി വെട്ടിയത്. 

കളി തുടങ്ങി രണ്ടാം മിനിറ്റില്‍ തന്നെ റോഡ്രിഗോയിലൂടെ റയല്‍ മുന്നിലെത്തി. എന്നാല്‍ 58ാം മിനിറ്റില്‍ ലുക്കാസ് ടോറോ ഒസാസുനയ്ക്ക് സമനില സമ്മാനിച്ചു.

ഇതോടെ പോരാട്ടം ആവേശകരമായി. റയലിനെ മുള്‍മുനയില്‍ നിര്‍ത്തുന്ന പ്രകടനം തന്നെ ഒസാസുന പുറത്തെടുത്തു. ഒടുവില്‍ 70ാം മിനിറ്റില്‍ റോഡ്രിഗോ തന്റെ രണ്ടാം ഗോളിലൂടെ ടീമിന്റെ കിരീടം ഉറപ്പിക്കുകയായിരുന്നു. 

ചാമ്പ്യന്‍സ് ലീഗ് സെമിയുടെ ഒന്നാം പാദത്തില്‍ ഇംഗ്ലീഷ് കരുത്തര്‍ മാഞ്ചസ്റ്റര്‍ സിറ്റിയെ നേരിടാനിരിക്കെയാണ് റയലിന്റെ ഈ കിരീട നേട്ടം. ശക്തമായ പോരാട്ടം വരാനിരിക്കെ നേടിയ ഈ വിജയം അവര്‍ക്ക് ആത്മവിശ്വാസം നല്‍കുന്നതാണ്.

ഈ വാർത്ത കൂടി വായിക്കൂ

ഐപിഎല്ലില്‍ ആരും നേടാത്ത നേട്ടം;  7000  റണ്‍സ് അടിച്ച് ആദ്യ താരമായി വിരാട് കോഹ്‌ലി 

സമകാലിക മലയാളം ഇപ്പോൾ വാട്‌സ്ആപ്പിലും ലഭ്യമാണ്. ഏറ്റവും പുതിയ വാർത്തകൾക്കായി ക്ലിക്ക് ചെയ്യൂ