ദുബായ്: ചാംപ്യന്‍സ് ട്രോഫി കിരീടനേട്ടത്തിന് ശേഷം ഐസിസി ഏകദിന റാങ്കില്‍ കുതിച്ച് ഇന്ത്യന്‍ നായകന്‍ രോഹിത് ശര്‍മ. പട്ടികയില്‍ 756 പോയിന്റുമായി മൂന്നാമതാണ് രോഹിത്. 784 പോയിന്റുമായി സഹതാരം ശുഭ്മാന്‍ ഗില്ലാണ് ഒന്നാമത്.
കലാശപോരാട്ടത്തില്‍ ന്യൂസിലന്‍ഡിനെ നാല് വിക്കറ്റിന് പരാജയപ്പെടുത്തി ഇന്ത്യ കിരീടം നേടിയിരുന്നു. പുതിയ റാങ്കിങില്‍ ഇരുടീമുകളിലേയും താരങ്ങള്‍ നില മെച്ചപ്പെടുത്തി. രണ്ട് സ്ഥാനങ്ങള്‍ മെച്ചപ്പെടുത്തിയാണ് മൂന്നാം സ്ഥാനത്തേക്കൂള്ള രോഹിതിന്റെ കുതിപ്പ്. ഫൈനലിലെ തകര്‍പ്പന്‍ പ്രകടനം രോഹിതിനെ മത്സരത്തിലെ താരമാക്കുകയും ചെയ്തു. അതേസമയം, ടൂര്‍ണമെന്റില്‍ 218 റണ്‍സ് നേടിയ വിരാട് കോഹ് ലി പട്ടികയില്‍ അഞ്ചാം സ്ഥാനത്ത് തുടരുന്നു.
ന്യൂസിലന്‍ഡ് താരങ്ങളും പട്ടികയില്‍ ശ്രദ്ധേയമായ പുരോഗതി കൈവരിച്ചു. ഡാരില്‍ മിച്ചല്‍ ആറാം സ്ഥാനത്തെത്തി. യുവതാരം രച്ചിന്‍ രവീന്ദ്ര 14 സ്ഥാനങ്ങള്‍ മെച്ചപ്പെടുത്തി 14-ാം സ്ഥാനത്തും ഗ്ലെന്‍ ഫിലിപ്‌സും ആറ് സ്ഥാനങ്ങള്‍ മെച്ചപ്പെടുത്തി 24-ാം സ്ഥാനത്തുമാണ്. ടൂര്‍ണമെന്റില്‍ ഒമ്പത് വിക്കറ്റുകള്‍ വീഴ്ത്തി മികച്ച പ്രകടനം പുറത്തെടുത്ത ന്യൂസിലന്‍ഡ് നായകന്‍ മിച്ചല്‍ സാന്റ്‌നര്‍ ബൗളിങില്‍ ആറ് സ്ഥാനങ്ങള്‍ മുന്നേറി ശ്രീലങ്കയുടെ മഹീഷ് തീക്ഷണയ്ക്ക് തൊട്ടുപിന്നില്‍ രണ്ടാമതായി
ഇന്ത്യയുടെ സ്പിന്‍ ജോഡികളായ കുല്‍ദീപ് യാദവും രവീന്ദ്ര ജഡേജയും റാങ്കിങില്‍ നേട്ടം കൈവരിച്ചു. ഏഴ് വിക്കറ്റുകള്‍ വീഴ്ത്തിയ കുല്‍ദീപ് പട്ടികയില്‍ മൂന്നാം സ്ഥാനത്തും അഞ്ച് വിക്കറ്റുകള്‍ വീഴ്ത്തിയ ജഡേജ പത്താം സ്ഥാനത്തുമാണ്. അഫ്ഗാനിസ്ഥാന്റെ അസ്മത്തുള്ള ഒമര്‍സായിയാണ് ഏകദിന ഓള്‍റൗണ്ടര്‍മാരുടെ പട്ടികയില്‍ ഒന്നാമത്.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates