മെല്ബണ്: ഓസ്ട്രേലിയയിലെ ഒരു ഇന്ത്യക്കാരനാണ് ഇപ്പോള് സമൂഹമാധ്യമങ്ങളിലെ താരം. രോഹിത് ശര്മ, റിഷഭ് പന്ത്, സെയ്നി, മായങ്ക്, ഗില് എന്നിവരടങ്ങുന്ന ഇന്ത്യന് സംഘത്തിന്റെ ഭക്ഷണം കഴിച്ചതിന്റെ ബില് തുക നല്കിയാണ് മെല്ബണിലെ ഇന്ത്യക്കാരന് സമൂഹമാധ്യമങ്ങളില് വൈറലാവുന്നത്.
മെല്ബണിലെ റെസ്റ്റോറന്റുകളില് ഒന്നിലാണ് നവല്ദീപ് സിങ് എന്നയാള് ഇന്ത്യന് ക്രിക്കറ്റ് താരങ്ങളെ കണ്ടത്. 118.69 ഓസ്ട്രേലിയന് ഡോളര് തുകയായ ബില്ലാണ് ഇയാള് ക്രിക്കറ്റ് താരങ്ങള് അറിയാതെ കൊടുത്തത്.
ഇന്ത്യന് ക്രിക്കറ്റ് താരങ്ങളെ കണ്ട ആവേശത്തില് ആദ്യം കളിക്കാരുടെ വീഡിയോ എടുത്തു. പിന്നാലെ അവരെ കണ്ടുകൊണ്ടിരിക്കാന് വേണ്ടി മാത്രമായി ഭക്ഷണം ഓര്ഡര് ചെയ്തു. ബില് ഇയാള് കൊടുത്തത് അറിഞ്ഞ് രോഹിത് ശര്മയും, റിഷഭ് പന്തും അടുത്തേക്ക് എത്തി.
പണം ഞങ്ങളുടെ കൈകളില് നിന്ന് സ്വീകരിച്ചാല് മാത്രം ഫോട്ടോ എടുക്കാന് അനുവദിക്കാം എന്നാണ് റിഷഭ് പന്ത് തമാശയായി പറഞ്ഞതെന്നും ആരാധകന് ട്വിറ്ററില് കുറിക്കുന്നു. പന്ത് തന്നെ ആലിംഗനം ചെയ്തതായും, തന്റെ കുടുംബാംഗങ്ങള്ക്കൊപ്പം നിന്ന് ഫോട്ടോ എടുത്തതായും നവല്ദീപ് സിങ് പറയുന്നു.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates