സെന്റ് കിറ്റ്‌സ്: വെസ്റ്റ് ഇന്‍ഡീസിന് എതിരായ മൂന്നാം ട്വന്റി20യില്‍ 11 റണ്‍സില്‍ നില്‍ക്കെ പരിക്ക് അലട്ടിയതോടെ ഡ്രസ്സിങ് റൂമിലേക്ക് മടങ്ങുകയായിരുന്നു രോഹിത് ശര്‍മ. എന്നാല്‍ അതിനിടയില്‍ ഒരു റെക്കോര്‍ഡും ഇന്ത്യന്‍ ക്യാപ്റ്റന്‍ തന്റെ പേരില്‍ ചേര്‍ത്തു.
ട്വന്റി20യില്‍ ഇന്ത്യന്‍ ക്യാപ്റ്റന്‍ സ്ഥാനത്തിരുന്നു ഏറ്റവും കൂടുതല്‍ സിക്‌സുകള്‍ എന്ന വിരാട് കോഹ് ലിയുടെ റെക്കോര്‍ഡ് ആണ് രോഹിത് ഇവിടെ മറികടന്നത്. 60 സിക്‌സ് ആണ് ട്വന്റി20യില്‍ ക്യാപ്റ്റന്‍ സ്ഥാനത്തിരുന്ന് ഇന്ത്യന്‍ കുപ്പായത്തില്‍ രോഹിത് അടിച്ചത്. വിരാട് കോഹ് ലി 59 സിക്‌സും.
വിന്‍ഡിസിന് എതിരായ മൂന്നാം ട്വന്റി20യില്‍ 11 റണ്‍സ് എടുത്ത് മടങ്ങുമ്പോള്‍ രോഹിത്തിന്റെ ബാറ്റില്‍ നിന്ന് ഒരു സിക്‌സും ഫോറും പറന്നിരുന്നു. അല്‍സാരി ജോസഫിനെ സിക്‌സ് പറത്തിയാണ് കോഹ് ലിയുടെ നേട്ടം രോഹിത് മറികടന്നത്.
മത്സരത്തിന് ശേഷം പരിക്കില്‍ ആശങ്ക വേണ്ട എന്നാണ് രോഹിത് പ്രതികരിച്ചത്. ഞാന്‍ ഇപ്പോള്‍ ഓക്കെയാണ്. അടുത്ത മത്സരത്തിന് മുന്‍പായി സമയമുണ്ട്. അപ്പോഴേക്കും ശരിയാവും എന്നാണ് കരുതുന്നത് എന്നും ഇന്ത്യന്‍ ക്യാപ്റ്റന്‍ പറഞ്ഞു. മൂന്നാം ട്വന്റി20യില്‍ ജയിച്ചതോടെ പരമ്പരയില്‍ 2-1ന് ഇന്ത്യ മുന്‍പിലെത്തി. ഓഗസ്റ്റ് ആറിനാണ് പരമ്പരയിലെ നാലാമത്തെ മത്സരം.
ഈ വാര്‍ത്ത കൂടി വായിക്കൂ
സമകാലിക മലയാളം ഇപ്പോള്‍ വാട്ട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates