കേപ് ടൗണ്‍: പാകിസ്ഥാനെതിരായ രണ്ടാം ക്രിക്കറ്റ് ടെസ്റ്റില്‍ കൂറ്റന്‍ സ്‌കോര്‍ ലക്ഷ്യമിട്ട് ദക്ഷിണാഫ്രിക്ക. രണ്ടാം ദിനം കളി പുരോഗമിക്കുമ്പോള്‍ അവര്‍ 5 വിക്കറ്റ് നഷ്ടത്തില്‍ 405 റണ്‍സെന്ന നിലയില്‍.

ഓപ്പണര്‍ റിയാന്‍ റിക്കല്‍ടന്‍ നേടിയ കന്നി ഇരട്ട സെഞ്ച്വറിയുടെ ബലത്തിലാണ് പ്രോട്ടീസ് പോരാട്ടം നയിക്കുന്നത്. ക്യാപ്റ്റന്‍ ടെംബ ബവുമയും ആദ്യ ദിനത്തില്‍ സെഞ്ച്വറി നേടി ടീമിനു കരുത്തായിരുന്നു.

ക്യാച്ചിന് ശ്രമിക്കുന്നതിനിടെ സഹ താരവുമായി കൂട്ടിയിടിച്ചു; കാമറോൺ ബാൻക്രോഫ്റ്റിനു ​ഗുരുതര പരിക്ക്, മൂക്കും തോളെല്ലും പൊട്ടി (വിഡിയോ)

211 റണ്‍സുമായി റിക്കല്‍ടന്‍ ക്രീസില്‍ തുടരുന്നു. താരം 25 ഫോറും ഒരു സിക്‌സും തൂക്കി. 9 വർഷങ്ങൾക്ക് ശേഷമാണ് ഒരു ദക്ഷിണാഫ്രിക്കൻ താരം ടെസ്റ്റിൽ ഇരട്ട സെഞ്ച്വറി നേടുന്നത് എന്നതും ഈ ഇന്നിങ്സിനെ ശ്രദ്ധേയമാക്കുന്നു. കെയ്ല്‍ വെരെയ്‌നാണ് റിക്കല്‍ടനൊപ്പം ക്രീസിലുള്ളത്. താരം 53 റണ്‍സെടുത്തിട്ടുണ്ട്.

ടെംബ ബവുമ 106 റണ്‍സെടുത്താണ് പുറത്തായത്. താരം 9 ഫോറും 2 സിക്‌സും തൂക്കി. എയ്ഡന്‍ മാര്‍ക്രം (17), വിയാന്‍ മള്‍ഡര്‍ (5), ട്രിസ്റ്റന്‍ സ്റ്റബ്‌സ് (0), ഡേവിഡ് ബഡിങ്ഹാം (5) എന്നിവരാണ് പുറത്തായ മറ്റുള്ളവര്‍.