ദുബായ്: മലയാളത്തിലെ പാട്ടുകള്‍ പാടി ധോനിയുടെ മകള്‍ സിവ കേരളത്തിന്റെ ഇഷ്ടം നേടിയിരുന്നു. ഇത്തവണ തിരുവോണത്തിന് കേരള ശൈലിയില്‍ സദ്യ കഴിച്ചാണ് ധോനിയും കുടുംബവും മലയാളികളോട് ചേര്‍ന്ന് നില്‍ക്കുന്നത്. 

ഐപിഎല്ലിനായി ദുബായിലുള്ള ധോനിയും കുടുംബവും വഴയിലയില്‍ സദ്യ കഴിച്ചാണ് ഓണം ആഘോഷിച്ചത്. 22 വിഭവങ്ങള്‍ ഉള്‍പ്പെട്ട സദ്യയുടെ ഫോട്ടോയാണ് സാക്ഷി സിങ് ധോനി സമൂഹമാധ്യമങ്ങളിലൂടെ പങ്കുവെച്ചത്. 

യുഎഇയില്‍ എത്തിയ ചെന്നൈ സൂപ്പര്‍ കിങ്‌സ് ക്വാറന്റൈന്‍ പൂര്‍ത്തിയാക്കി പരിശീലനം ആരംഭിച്ചു. സെപ്തംബര്‍ 19നാണ് ഐപിഎല്‍ ആരംഭിക്കുന്നത്. ചെന്നൈ സൂപ്പര്‍ കിങ്‌സും മുംബൈയും തമ്മിലാണ് ആദ്യ മത്സരം.