ബംഗളൂരു: സാഫ് ഫുട്ബോൾ ചാമ്പ്യൻഷിപ്പിൽ കുവൈറ്റ് ഫൈനലിൽ. ആദ്യ സെമിയിൽ അവർ മുൻ ചാമ്പ്യൻമാരായ ബംഗ്ലാദേശിനെ വീഴ്ത്തിയാണ് ഫൈനലുറപ്പിച്ചത്. മറുപടിയില്ലാത്ത ഒറ്റ ഗോളിനായിരുന്നു കുവൈറ്റിന്റെ ജയം.
നിശ്ചിത സമയത്ത് മത്സരം ഗോൾരഹിതമായി. പിന്നീട് എക്സ്ട്രാ ടൈമിലെ ആദ്യ പകുതിയുടെ ഇഞ്ച്വറി ടൈമിൽ കുവൈറ്റ് വിജയ ഗോൾ വലയിലാക്കി. 105+2 മിനിറ്റിൽ അബ്ദുല്ല മുഹമ്മദാണ് വിജയ ഗോൾ നേടിയത്.
തോറ്റെങ്കിലും വീറുറ്റ പോരാട്ടമാണ് ബംഗ്ലാദേശ് പുറത്തെടുത്തത്. ഇന്ത്യ- ലെബനാൻ രണ്ടാം സെമി പോരാട്ടത്തിലെ വിജയികളായിരിക്കും കലാശപ്പോരിൽ കുവൈറ്റിന്റെ എതിരാളി.
കുവൈറ്റ് ക്ഷണിക്കപ്പെട്ട ടീമായാണ് സാഫ് പോരാട്ടത്തില് ഇത്തവണ കളിച്ചത്. കുവൈറ്റിനൊപ്പം ലെബനനും അതിഥി ടീമായാണ് ടൂര്ണമെന്റ് കളിക്കുന്നത്.
ഈ വാർത്ത കൂടി വായിക്കൂ
സമകാലിക മലയാളം ഇപ്പോൾ വാട്സ്ആപ്പിലും ലഭ്യമാണ്. ഏറ്റവും പുതിയ വാർത്തകൾക്കായി ക്ലിക്ക് ചെയ്യൂ
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates