ദുബായ്: പഞ്ചാബിന് ജയിക്കാന് അവസാന ഓവറില് 4 റണ്സ് മാത്രം മതിയെന്ന് നില്ക്കെയാണ് കാര്ത്തിക് ത്യാഗി ഹീറോയായി മാറിയത്. പഞ്ചാബിന്റെ കൈകളില് നിന്ന് ജയമെടുത്ത് രാജസ്ഥാന് നല്കിയ കാര്ത്തിക് ത്യാഗിയെ പ്രശംസയില് മൂടുകയാണ് പേസര്മാരായ ബൂമ്രയും ഡെയ്ല് സ്റ്റെയ്നും.
വെടിക്കെട്ട് ബാറ്റ്സ്മാന്മാരായ നിക്കോളാസ് പൂരന്, ദീപക് ഹൂഡ എന്നിവരെ മടക്കിയ ത്യാഗി അവസാന ഓവറില് വഴങ്ങിയത് ഒരു റണ് മാത്രം. എന്തൊരു ഓവറായിരുന്നു കാര്ത്തിക് ത്യാഗി. അത്രയും സമ്മര്ദം നിറഞ്ഞ ഘട്ടത്തില് കൂളായി നിന്ന് ജോലി പൂര്ത്തിയാക്കി. ഹൃദയഹാരിയായിരുന്നു, ബൂമ്ര ട്വിറ്ററില് കുറിച്ചു.
ട്വന്റി20 ക്രിക്കറ്റിന്റെ ചരിത്രത്തില് കണ്ടതില് വെച്ച് ഏറ്റവും മികച്ച അവസാന ഓവര് എന്നാണ് സൗത്ത് ആഫ്രിക്കന് മുന് പേസര് ഡെയ്ല് സ്റ്റെയ്ന് പറയുന്നത്. ബ്രെറ്റ് ലീ എന്നാണ് മത്സരത്തിന് ശേഷം തങ്ങളുടെ വിജയ ശില്പ്പിയെ സഞ്ജു സാംസണ് വിശേഷിപ്പിച്ചത്.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates