ഹൈദരാബാദ്: സന്തോഷ് ട്രോഫി ഫുട്ബോൾ പോരാട്ടത്തിന്റെ ഫൈനൽ റൗണ്ടിൽ കേരളത്തിനു വിജയത്തുടക്കം. 4-3നു കേരളം ​ഗോവയെ വീഴ്ത്തി. കഴിഞ്ഞ ടൂർണമെന്റിൽ ക്വാർട്ടറിൽ ​ഗോവ കേരളത്തെ പരാജയപ്പെടുത്തിയിരുന്നു. അതിനുള്ള മധുര പ്രതികാരമായി ആദ്യ ജയം.

15ാം മിനിറ്റിൽ പിടി മുഹമ്മദ് റിയാസ്, 20ാം മിനിറ്റിൽ മു​ഹമ്മദ് അജ്സൽ, 32ാം മിനിറ്റിൽ നസീബ് റഹ്മാൻ, 69 മിനിറ്റിൽ ക്രിസ്റ്റി ഡേവിസ് എന്നിവരാണ് കേരളത്തിനായി ​ഗോളുകൾ നേടിയത്. രണ്ടാം മിനിറ്റിൽ തന്നെ ​ഗോവ നീഖൽ ഫെർണാണ്ടസിലൂടെ മുന്നിലെത്തിയിരുന്നു. പിന്നീടാണ് കേരളം തിരിച്ചടി തുടങ്ങിയത്. 76, 86 മിനിറ്റുകളിൽ ഷുബേർട്ട് ജോനസ് പെരേര നേടിയ ഇരട്ട ​ഗോളിലൂടെ ​ഗോവ സമനിലക്കായി പൊരുതിയെങ്കിലും ലക്ഷ്യത്തിലെത്തും മുൻപ് വീണു.

അര്‍ധ സെഞ്ച്വറിയും 3 വിക്കറ്റുകളും; ഓൾ റൗണ്ട് സാന്റ്നർ, ഇംഗ്ലണ്ടിനെതിരെ കിവികള്‍ക്ക് മുന്‍തൂക്കം

തുടക്കത്തിൽ ​ഗോൾ വഴങ്ങിയിട്ടും കേരളം സമ്മർദ്ദം അതിജീവിച്ചാണ് പൊരുതി കയറിയത്. ആദ്യ പകുതിയിൽ 3-1ന്റെ ലീഡുണ്ടായിരുന്നു കേരളത്തിന്. പിന്നീടാണ് അവസാന ഘട്ടങ്ങളിൽ ​ഗോവ തിരിച്ചടിക്ക് കോപ്പു കൂട്ടിയത്. വക്ക് വരെ എത്തിയെങ്കിലും അന്തിമ ജയം വിടാതെ കേരളം 3 വിലപ്പെട്ട പോയിന്റുകൾ നേടി.