ഹൈദരാബാദ്: സന്തോഷ് ട്രോഫി ഫുട്‌ബോള്‍ പോരാട്ടത്തില്‍ കേരളത്തിനു സമനില. തമിഴ്‌നാടുമായി കേരളം 1-1നു സമനിലയില്‍ പിരിഞ്ഞു. ഫൈനല്‍ റൗണ്ടില്‍ തുടരെ മൂന്ന് ജയങ്ങളുമായി കേരളം നേരത്തെ ക്വാര്‍ട്ടര്‍ ഉറപ്പിച്ചിരുന്നു. അപരാജിതരായാണ് കേരളത്തിന്റെ മുന്നേറ്റം.

മത്സരത്തില്‍ തമിഴ്‌നാടാണ് ആദ്യം ലീഡെടുത്തത്. ജേസുരാജാണ് അവര്‍ക്ക് ഗോള്‍ സമ്മാനിച്ചത്. 25ാം മിനിറ്റിലാണ് തമിഴ്നാട് സമനില ​ഗോൾ നേടിയത്.

'എനിക്ക് ടെസ്റ്റ് കളിക്കാനുള്ള ആരോഗ്യം ഇല്ല'- ടീമില്‍ ഉള്‍പ്പെടുത്തരുതെന്ന് ഷഹീന്‍ അഫ്രീദി

രണ്ടാം പകുതിയില്‍ നടത്ത മികച്ച സബ്സ്റ്റിറ്റിയൂഷനാണ് കളിയില്‍ കേരളത്തിനു തിരിച്ചു വരവിനു അവസരമൊരുക്കിയത്. മുഹമ്മദ് അസ്‌ലം നല്‍കിയ ക്രോസില്‍ നിന്നു നിജോ ഗില്‍ബര്‍ട്ട് കേരളത്തിനു സമനില ഗോള്‍ സമ്മാനിച്ചു. പകരക്കാരനായി എത്തിയ നിജോ കളിയുടെ അവസാന ​ഘട്ടത്തിലാണ് കേരളത്തിനു സമനില സമ്മാനിച്ചത്. താരത്തിന്റെ ​ഗോൾ 89ാം മിനിറ്റിലായിരുന്നു.

ഇതോടെ കേരളത്തിന്റെ ഗ്രൂപ്പ് പോരാട്ടങ്ങള്‍ അവസാനിച്ചു. ഈ മാസം 27ന് നടക്കുന്ന ക്വാര്‍ട്ടറില്‍ ജമ്മു കശ്മീരാണ് കേരളത്തിന്റെ എതിരാളികള്‍.