പനാജി: കിരീടം മുന്പില് നില്ക്കെ തിരിച്ചടിയാവുന്ന വാര്ത്തയാണ് കേരള ബ്ലാസ്റ്റേഴ്സ് ക്യാംപില് നിന്നും വരുന്നത്. പരിക്കേറ്റ സഹല് അബ്ദുല് സമദിന് ഫൈനല് നഷ്ടമായേക്കും. പരിശീലകന് വുകോമനോവിച്ചും ഇക്കാര്യം സ്ഥിരീകരിക്കുന്നു.
ശനിയാഴ്ച സഹലിന് പരിശീലനത്തിന് ഇറങ്ങാനായാല് മാത്രമാവും ഫൈനലിലേക്ക് സഹലിനെ പരിഗണിക്കുക. വെള്ളിയാഴ്ച സഹല് പരിശീലനം നടത്തിയിരുന്നില്ല. ജംഷഡ്പൂരിന് എതിരായ ആദ്യ പാദ സെമിയില് സഹലിന്റെ ഒരു ഗോള് ബലത്തിലാണ് ബ്ലാസ്റ്റേഴ്സ് ജയിച്ചു കയറിയത്.
എന്നാല് ആദ്യ പാദ സെമിയുടെ അവസാന നിമിഷങ്ങളില് തന്നെ പിന്തുട ഞരമ്പിലെ പ്രശ്നങ്ങള് സഹലിനെ അലട്ടി. രണ്ടാം പാദ സെമിയില് സഹലിന് കളിക്കാനും കഴിഞ്ഞില്ല. ഇതുവരെ ആറ് ഗോളുകളാണ് സഹല് സീസണില് സ്കോര് ചെയ്തത്. ഫൈനലില് സഹലിന് ഇറങ്ങാന് കഴിഞ്ഞില്ലെങ്കില് നിഷു കുമാറോ കെപി രാഹുലോ ആയിരിക്കും പകരക്കാരനാവുക. രണ്ടാം പാദ സെമിയിലും നിഷു ആയിരുന്നു സഹലിന് പകരം ഇറങ്ങിയത്.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates