ലഖ്നൗ: മെഗാ താര ലേലത്തില് ആരും വാങ്ങാതിരുന്ന ഓള് റൗണ്ടര് ശാര്ദുല് ഠാക്കൂര് ലഖ്നൗ സപ്പര് ജയന്റ്സില്. പരിക്കേറ്റ് പുറത്തായ മൊഹ്സിന് ഖാന് പകരമാണ് പേസ് ഓള് റൗണ്ടെറെ ടീം പാളയത്തിലെത്തിച്ചത്. മൊഹ്സിന് ഖാന് ഐപിഎല് സീസണ് മുഴുവന് നഷ്ടമാകും.
ശാര്ദുല് ഠാക്കൂറിന്റെ വരവ് ഒരാഴ്ച് മുന്പ് തന്നെ സോഷ്യല് മീഡിയയില് അഭ്യൂഹങ്ങള് പരത്തിയിരുന്നു. താരം ടീം ക്യാംപില് പന്തെറിയുന്നതിന്റെ ദൃശ്യങ്ങളും ടീം അംഗങ്ങള്ക്കൊപ്പം ഹോളി ആഘോഷിച്ചതുമൊക്കെ അഭ്യൂഹങ്ങളുടെ വ്യാപ്തി കൂട്ടി.
എന്നാല് ഏതു താരത്തിനു പകരമാണ് അണ് സോള്ഡായിരുന്ന ശാര്ദുല് കളിക്കാനെത്തുന്നതു എന്നതു സംബന്ധിച്ചു വിവരങ്ങള് ഉണ്ടായിരുന്നില്ല. ഐപിഎല് അധികൃതരുടെ അംഗീകാരത്തിനു ശേഷമാണ് ടീം ശാര്ദുല് ഠാക്കൂറിനെ പകരക്കാരനായി ഇപ്പോള് പ്രഖ്യാപിച്ചത്. പരിക്കേറ്റ് മൊഹ്സിന് ഖാനു പകരമായി ശാര്ദുല് ഠാക്കൂര് ലഖ്നൗ സൂപ്പര് ജയന്റ്സില് ചേര്ന്നതായി ഐപിഎല് സ്ഥിരീകരിച്ചു.
ഐപിഎല്ലില് മികച്ച റെക്കോര്ഡുള്ള താരമാണെങ്കില് ഇത്തവണ 33കാരനെ ആരും ടീമിലെടുത്തിരുന്നില്ല. ഇത്തവണ താരം ആഭ്യന്തര ക്രിക്കറ്റില് മികച്ച ഫോമിലാണ് കളിച്ചത്. രഞ്ജിയില് ഇത്തവണ 505 റണ്സും 35 വിക്കറ്റുകളും താരത്തിനുണ്ട്. ഐപിഎല്ലിന്റെ കഴിഞ്ഞ സീസണുകളില് വിവിധ ടീമുകളില് ശാര്ദുല് കളിച്ചിട്ടുണ്ട്.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates